Eyða mörgum milljónum í kynlíf með dúkkum

Dave Hockey og Shawna Bigelow hafa eytt um tuttugu þúsund pundum, tæplega fjórum milljónum króna, í kynlífsdúkkur til að krydda kynlífið. 

Dave og Shawna hafa verið saman í rúmlega ár og deila oft rúminu sínu með fimm kynlífsdúkkum.

Dave hefur safnað kynlífsdúkkum síðan hann keypti sína fyrstu árið 2010. Þetta áhugamál hans hafði slæm áhrif á ástarlíf hans þangað til hann hitti Shawna á stefnumótasíðu á netinu. Hún fagnaði þessu blæti hans.

„Ég fékk áfall. Ég vissi hvernig dúkkurnar litu út því ég hafði séð þær í sjónvarpinu en ég var áhugasöm því þær litu út eins og Barbie-dúkkur. Þannig að ég tók hárkollurnar af þeim og setti þær á mig,“ segir Shawna í viðtali við breska þáttinn This Morning.

Í dag fara þau Dave og Shawna iðulega í trekant með einni af dúkkunum. Shawna segir það hafa verið sína hugmynd.

„Þetta er eins og trekantur án þess að nokkur særist,“ segir hún og bætir við að hún hafi komist yfir það að verða afbrýðisöm yfir athyglinni sem Dave sýnir dúkkunum.

„Maður verður að gera sér grein fyrir því að hún er bara dúkka. Hún er ekki raunveruleg því hver væri í alvörunni með svona fullkominn líkama?“

„Það er öruggara að fara í trekant með dúkku. Þá er engin tilfinningaflækja,“ bætir Dave við.

Dave keypti nýverið karlkynsdúkku fyrir Shawna og heitir hún Terri.

Viðtalið við parið má sjá hér.