Hann elskaði mig ekki eins og ég elskaði hann

"Það er ekki auðvelt að segja frá þessu, en hann elskaði mig ekki eins og ég elskaði hann. Hann var ekki samkynhneigður og það gerðist aldrei neitt á milli okkar," segir söngvarinn Sam Smith um manninn sem varð honum innblástur að plötunni In the lonely hour.



 Smith, sem kom út úr skápnum opinberlega fyrr á árinu, segist hafa samið plötuna í mikilli ástarsorg. Þessi mikla ástarsorg hefur þó snúist í andhverfu sína því platan hefur notið gríðarlegra vinsælda síðan hún kom út í maí á þessu ári og náði toppsætinu í Bretlandi.

Hann hlaut Critics choice awards á Brit verðlaunahátíðinni í febrúar og var tilnefndur á VMA verðlaunahátíðinni í ágúst fyrir besta myndband og besti nýliðinn.