Eldað með smokkum

Ný japönsk matreiðslubók var gefin út fyrir stuttu en titil hennar er hægt að grófþýða sem Smokkamáltíðir sem mig langar að búa til fyrir þig.

Í myndinni eru ellefu réttir sem hægt er að búa til með smokkum, þar á meðal smokka-sushi og smokkakjöt. Smokkarnir eru eingöngu notaðir við eldamennskuna og á ekki að borða þá.

Tilgangur bókarinnar er að vekja athygli á kynsjúkdómum í Japan og mikilvægi þess að stunda öruggt kynlíf og nota getnaðarvarnir. 

Tíðni kynsjúkdóma hefur aukist mikið á síðustu árum í Japan og eru japanskir karlmenn þeir þriðju verstu í heiminum að nota smokka.