Umfjöllun og viðtöl: Grótta - Fram 23-26 | Fram enn með fullt hús stiga Ingvi Þór Sæmundsson skrifar 25. október 2014 00:01 Anna Úrsula, línumaður Gróttu. Fram tyllti sér á topp Olís-deildar kvenna í handbolta með þriggja marka sigri, 23-26, á Gróttu á Seltjarnarnesi í dag. Þetta var fyrsta tap Gróttu í deildinni í vetur, en Framkonur eru enn með fullt hús stiga eftir sex leiki. Bæði lið gerðu aragrúa mistaka í leiknum í dag, en tapaðir boltar voru á fjórða tuginn. Mistökin voru þó færri Fram-megin, en Safamýrarliðið spilaði afbragðs góða vörn og það kom því ekki að sök að Nadia Bordon skyldi aðeins hafa varið sjö skot í leiknum. Hvort sem það var taugaspennu um að kenna eða ekki, þá voru Gróttukonur sjálfum sér verstar í fyrri hálfleik. Auk þess að tapa boltanum 13 sinnum misnotuðu þær tvö vítaköst. Heimakonur voru þó inni í leikum sökum góðra hraðaupphlaupa og snöggtum betri markvörslu en hjá Fram. Grótta byrjaði leikinn betur og komst nokkrum sinnum tveimur mörkum yfir. Í stöðunni 5-3 tók Ragnheiður Júlíusdóttir, sem lék sinn fyrsta landsleik gegn Svíum fyrir nokkrum vikum, til sinna ráða, skoraði þrjú mörk í röð og kom Fram yfir, 5-6. Ragnheiður skoraði alls fimm mörk í fyrri hálfleik og var markahæst Framkvenna. Eftir því sem leið á fyrri hálfleikinn efldust Framkonur og þrátt fyrir góða innkomu Elínar Jónu Þorsteinsdóttur í mark Gróttu skoruðu gestirnir úr Safamýrinni fjögur af fimm síðustu mörkum fyrri hálfleiks og leiddu í leikhléi, 10-12. Liðin héldu áfram að tapa boltanum klaufalega í byrjun seinni hálfleik, en áfram voru Framkonur sterkari. Ragnheiður skoraði tvö fyrstu mörk seinni hálfleiks og kom Fram fjórum mörkum yfir, 10-14, og til að gera langa sögu stutta náðu heimakonur aldrei að brúa þann mun. Í stöðunni 15-19 fékk Grótta reyndar líflínu þegar Steinunn Björnsdóttir, sem átti fyrirtaks leik í vörn Fram, var rekin út af. Grótta nýtti sér liðsmuninn vel, skoraði þrjú mörk í röð og minnkaði muninn í eitt mark, 18-19. Nær komust heimakonur hins vegar ekki. Þær tóku hvað eftir annað rangar ákvarðanir í sóknarleiknum og ekki bætti úr skák að vörnin fór að leka. Framkonur náðu mest fimm marka forystu, 20-25, og unnu að lokum þriggja marka sigur, 23-26. Ragnheiður átti stórleik í liði Fram og skoraði 11 mörk, mörg hver á mikilvægum augnablikum. Steinunn átti sem áður sagði frábæran leik í vörninni og þær Ásta Birna Gunnarsdóttir og Elísabet Gunnarsdóttir stóðu einnig fyrir sínu. Það gekk lítið upp hjá liði Gróttu í dag, sérstaklega í sóknarleiknum. Eva Björk Davíðsdóttir og Laufey Ásta Guðmunsdóttir voru markahæstar í liði Seltirninga með sex mörk, en þær hafa þó báðar leikið mun betur en í dag. Gestirnir höfðu einnig góðar gætur á línumanninum öfluga Önnu Úrsúlu Guðmundsdóttir sem skoraði aðeins tvö mörk í leiknum.Eva Björk: Ætluðum að skora tvö mörk í hverri sókn Grótta tapaði sínum fyrsta leik í Olís-deildinni þegar Fram kom í heimsókn í Hertz-höllina í dag. Eva Björk Davíðsdóttir, sem var markahæst í liði Gróttu með sex mörk ásamt Laufeyju Ástu Guðmundsdóttur, var að vonum svekkt eftir leikinn. „Það var aðallega vörnin hjá okkur í seinni hálfleik sem réði úrslitum hér í dag. Við vorum að missa þetta allt of mikið niður,“ sagði Eva, en sóknarleikur Gróttu var afar stirður í leiknum og liðið tapaði fjöldamörgum boltum. „Það var svekkjandi að tapa svona mörgum boltum. Við vorum kannski að flýta okkur of mikið. „Þar kemur agaleysi inn í og við ætluðum að skora tvö mörk í einni sókn í stað þess að halda ró okkar,“ sagði Eva sem var þó bjartsýn þrátt fyrir tapið. „Þetta er enginn heimsendir, við vinnum bara næsta leik,“ sagði leikstjórnandinn að lokum.Ragnheiður: Ætlaði ekki að eiga lélegan leik Ragnheiður Júlíusdóttir átti frábæran leik þegar Fram varð fyrst liða til að leggja Gróttu að velli í dag. Hún skoraði 11 mörk og átti auk þess nokkrar stoðsendingar. Hún var skiljanlega sátt í leikslok. „Ég er rosalega sátt. Við spiluðum ótrúlega vel í dag, liðsheildin var frábær og það var ógeðslega gaman að spila þennan leik. Það gekk einhvern veginn allt upp og við erum rosalega sáttar með þessi tvö stig,“ sagði Ragnheiður. Grótta byrjaði leikinn örlítið betur en Framkonur náðu undirtökunum um miðjan fyrri hálfleik. „Vörnin var smá í ruglinu í byrjun leiks og við vorum of seinar til baka og fengum á okkur mörk úr hraðaupphlaupum. En við löguðum það og það gekk allt upp,“ sagði Ragnheiður sem var að vonum ánægð með eigin frammistöðu í dag. En hvernig finnst henni byrjunin á mótinu hafa verið hjá sér? „Ég byrjaði mjög illa, var ekki að skjóta vel og ákvarðanatakan var ekki nógu góð, en þetta kom í dag. Ég ætlaði ekki að eiga lélegan leik og mér finnst ótrúlega gaman að spila hérna þegar eru svona mikil læti og góð stemmning,“ sagði Ragnheiður að lokum. Olís-deild kvenna Mest lesið Metamfetamín fannst í báðum sýnum markmannsins Handbolti Tonali braut veðmálareglur fimmtíu sinnum eftir komuna til Newcastle Enski boltinn Uppgjörið og viðtöl: Valur - Afturelding 39-25 | Valsmenn jafna einvígið með stórsigri Handbolti Gunnar um að mæta dóttur sinni: „Hélt langmest með henni af öllum inn á vellinum“ Sport Eigendur 76ers gefa miða svo Knicks aðdáendur taki ekki aftur yfir Körfubolti „Við vorum bara ekki á svæðinu“ Handbolti „Vörnin í dag, það er það sem vann þetta“ Körfubolti Möguleikar Tottenham á Meistaradeildarsæti að fjara út Enski boltinn „Virkilega léleg frammistaða heilt á litið“ Körfubolti Fiorentina og Olympiacos í kjörstöðu eftir mikla markaleiki Fótbolti Fleiri fréttir „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sjá meira
Fram tyllti sér á topp Olís-deildar kvenna í handbolta með þriggja marka sigri, 23-26, á Gróttu á Seltjarnarnesi í dag. Þetta var fyrsta tap Gróttu í deildinni í vetur, en Framkonur eru enn með fullt hús stiga eftir sex leiki. Bæði lið gerðu aragrúa mistaka í leiknum í dag, en tapaðir boltar voru á fjórða tuginn. Mistökin voru þó færri Fram-megin, en Safamýrarliðið spilaði afbragðs góða vörn og það kom því ekki að sök að Nadia Bordon skyldi aðeins hafa varið sjö skot í leiknum. Hvort sem það var taugaspennu um að kenna eða ekki, þá voru Gróttukonur sjálfum sér verstar í fyrri hálfleik. Auk þess að tapa boltanum 13 sinnum misnotuðu þær tvö vítaköst. Heimakonur voru þó inni í leikum sökum góðra hraðaupphlaupa og snöggtum betri markvörslu en hjá Fram. Grótta byrjaði leikinn betur og komst nokkrum sinnum tveimur mörkum yfir. Í stöðunni 5-3 tók Ragnheiður Júlíusdóttir, sem lék sinn fyrsta landsleik gegn Svíum fyrir nokkrum vikum, til sinna ráða, skoraði þrjú mörk í röð og kom Fram yfir, 5-6. Ragnheiður skoraði alls fimm mörk í fyrri hálfleik og var markahæst Framkvenna. Eftir því sem leið á fyrri hálfleikinn efldust Framkonur og þrátt fyrir góða innkomu Elínar Jónu Þorsteinsdóttur í mark Gróttu skoruðu gestirnir úr Safamýrinni fjögur af fimm síðustu mörkum fyrri hálfleiks og leiddu í leikhléi, 10-12. Liðin héldu áfram að tapa boltanum klaufalega í byrjun seinni hálfleik, en áfram voru Framkonur sterkari. Ragnheiður skoraði tvö fyrstu mörk seinni hálfleiks og kom Fram fjórum mörkum yfir, 10-14, og til að gera langa sögu stutta náðu heimakonur aldrei að brúa þann mun. Í stöðunni 15-19 fékk Grótta reyndar líflínu þegar Steinunn Björnsdóttir, sem átti fyrirtaks leik í vörn Fram, var rekin út af. Grótta nýtti sér liðsmuninn vel, skoraði þrjú mörk í röð og minnkaði muninn í eitt mark, 18-19. Nær komust heimakonur hins vegar ekki. Þær tóku hvað eftir annað rangar ákvarðanir í sóknarleiknum og ekki bætti úr skák að vörnin fór að leka. Framkonur náðu mest fimm marka forystu, 20-25, og unnu að lokum þriggja marka sigur, 23-26. Ragnheiður átti stórleik í liði Fram og skoraði 11 mörk, mörg hver á mikilvægum augnablikum. Steinunn átti sem áður sagði frábæran leik í vörninni og þær Ásta Birna Gunnarsdóttir og Elísabet Gunnarsdóttir stóðu einnig fyrir sínu. Það gekk lítið upp hjá liði Gróttu í dag, sérstaklega í sóknarleiknum. Eva Björk Davíðsdóttir og Laufey Ásta Guðmunsdóttir voru markahæstar í liði Seltirninga með sex mörk, en þær hafa þó báðar leikið mun betur en í dag. Gestirnir höfðu einnig góðar gætur á línumanninum öfluga Önnu Úrsúlu Guðmundsdóttir sem skoraði aðeins tvö mörk í leiknum.Eva Björk: Ætluðum að skora tvö mörk í hverri sókn Grótta tapaði sínum fyrsta leik í Olís-deildinni þegar Fram kom í heimsókn í Hertz-höllina í dag. Eva Björk Davíðsdóttir, sem var markahæst í liði Gróttu með sex mörk ásamt Laufeyju Ástu Guðmundsdóttur, var að vonum svekkt eftir leikinn. „Það var aðallega vörnin hjá okkur í seinni hálfleik sem réði úrslitum hér í dag. Við vorum að missa þetta allt of mikið niður,“ sagði Eva, en sóknarleikur Gróttu var afar stirður í leiknum og liðið tapaði fjöldamörgum boltum. „Það var svekkjandi að tapa svona mörgum boltum. Við vorum kannski að flýta okkur of mikið. „Þar kemur agaleysi inn í og við ætluðum að skora tvö mörk í einni sókn í stað þess að halda ró okkar,“ sagði Eva sem var þó bjartsýn þrátt fyrir tapið. „Þetta er enginn heimsendir, við vinnum bara næsta leik,“ sagði leikstjórnandinn að lokum.Ragnheiður: Ætlaði ekki að eiga lélegan leik Ragnheiður Júlíusdóttir átti frábæran leik þegar Fram varð fyrst liða til að leggja Gróttu að velli í dag. Hún skoraði 11 mörk og átti auk þess nokkrar stoðsendingar. Hún var skiljanlega sátt í leikslok. „Ég er rosalega sátt. Við spiluðum ótrúlega vel í dag, liðsheildin var frábær og það var ógeðslega gaman að spila þennan leik. Það gekk einhvern veginn allt upp og við erum rosalega sáttar með þessi tvö stig,“ sagði Ragnheiður. Grótta byrjaði leikinn örlítið betur en Framkonur náðu undirtökunum um miðjan fyrri hálfleik. „Vörnin var smá í ruglinu í byrjun leiks og við vorum of seinar til baka og fengum á okkur mörk úr hraðaupphlaupum. En við löguðum það og það gekk allt upp,“ sagði Ragnheiður sem var að vonum ánægð með eigin frammistöðu í dag. En hvernig finnst henni byrjunin á mótinu hafa verið hjá sér? „Ég byrjaði mjög illa, var ekki að skjóta vel og ákvarðanatakan var ekki nógu góð, en þetta kom í dag. Ég ætlaði ekki að eiga lélegan leik og mér finnst ótrúlega gaman að spila hérna þegar eru svona mikil læti og góð stemmning,“ sagði Ragnheiður að lokum.
Olís-deild kvenna Mest lesið Metamfetamín fannst í báðum sýnum markmannsins Handbolti Tonali braut veðmálareglur fimmtíu sinnum eftir komuna til Newcastle Enski boltinn Uppgjörið og viðtöl: Valur - Afturelding 39-25 | Valsmenn jafna einvígið með stórsigri Handbolti Gunnar um að mæta dóttur sinni: „Hélt langmest með henni af öllum inn á vellinum“ Sport Eigendur 76ers gefa miða svo Knicks aðdáendur taki ekki aftur yfir Körfubolti „Við vorum bara ekki á svæðinu“ Handbolti „Vörnin í dag, það er það sem vann þetta“ Körfubolti Möguleikar Tottenham á Meistaradeildarsæti að fjara út Enski boltinn „Virkilega léleg frammistaða heilt á litið“ Körfubolti Fiorentina og Olympiacos í kjörstöðu eftir mikla markaleiki Fótbolti Fleiri fréttir „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sjá meira
Uppgjörið og viðtöl: Valur - Afturelding 39-25 | Valsmenn jafna einvígið með stórsigri Handbolti
Uppgjörið og viðtöl: Valur - Afturelding 39-25 | Valsmenn jafna einvígið með stórsigri Handbolti