Sítrónukaka sem slær í gegn

Solla Eiríks bjó til þessa ljúffengu sítrónuköku sem svíkur engan í síðasta þætti Heilsugengisins sem sýndur er á Stöð 2 á fimmtudögum. Þessa köku tileinkaði hún Völu Matt, samstarfskonu sinni og vinkonu.

Botn

100 g kókosmjöl

100 g hnetur, t.d. pekan eða möndlur eða bara…

30 g hreint kakóduft

250 g döðlur

Byrjið á að setja hnetur, kókosmjöl, kakóduft og salt í matvinnsluvél og blandið vel saman. Bætið döðlunum út í og blandið þar til þetta klístrast vel saman.

Fylling



3 dl kasjúhnetur, lagðar í bleyti í 1-2 klst

½ dl xylosweet

½ dl sæta að eigin vali, t.d. hlynsýróp

¾ dl kókosolía, brædd

1 dl sítrónusafi

1 msk. rifinn sítrónubörkur

2 tsk. vanilla

smá sjávarsalt

Allt sett í blandara og blandað þar til silkimjúkt og kornlaust.

Súkkulaði



½ dl kakóduft

¼ dl sæta, t.d. sunroot sweetener

¼ dl kakósmjör

¼ dl kókosolía

Sett í skál og hrært saman með gaffli. Setjið botninn í botninn á muffinsformi og hellið fyllingunni yfir. Hellið síðan súkkulaðinu yfir og frystið í 3 klukkustundir. Best er að geyma kökurnar í frysti.