Ekki að skilja

Í nýjsta hefti tímaritsins InTouch segir að leikarinn Tom Hanks og eiginkona hans Rita Wilson hafi skilið að borði og sæng í mánuð fyrir stuttu en þau hafa verið gift í 26 ár.

Í blaðinu er talað við vin parsins sem segir að þau hafi gengið í gegnum erfiðan tíma uppá síðkastið og að Rita hafi búið ein í glæsihýsi þeirra á meðan Tom hafi gist hjá vini sínum.

„Þau voru ekki sammála,“ segir heimildarmaðurinn.

Vefsíðan Gossip Cop ákvað að fara í málið og komst að því að frétt InTouch væri uppspuni frá A til Ö. Þetta staðfestir blaðafulltrúi Toms í samtali við Gossip Cop.