Kennitölur sem nauðsynlegt er að losa út úr kerfinu

Ríkið þarf að skera niður í heilbrigðiskerfinu, það er nauðsynlegt að byggja nýjan spítala en það þarf að manna þennan nýja spítala að sjálfsögðu og öll viljum við hafa vel þjálfaða lækna okkur til hjálpar þegar eitthvað bjátar á.

Ég er atvinnusjúklingur og á allt mitt undir að mínir læknar vilji vera hér í góðu umhverfi.

En ég ætlaði að tala um sparnaðinn, hann getur verið lúmskur, hann bitnar á þeim sem minnst meiga sín og þar á ég við fólki sem fær bætur hjá tryggingastofnun ríkisins og hefur ekkert annað, margir hafa engan lífeyrissjóð og hafa bara sléttar 165000 kr í vasann.

Þetta er ekki fólk þetta eru kennitölur sem ekki búa neinsstaðar, borga ekki rafmagn og hita eiga engin börn borða engan mat sem sagt bara sóun á almannafé. Nú verða margir reiðir.

Ég er löngu orðin svo reið að það bitnar bara meira á heilsunni og ég sé að það gengur ekki. Það er enginn spítali til að leggjast inná, hann er myglaður; ónýtur. Ef maður er svo óheppinn að þurfa að fara þangað hvort sem er borgó eða Hringbraut þá er er ekki hægt að hvílast fyrir hávaða vegna viðgerða og hefur það verið þannig í mörg ár.

En starfsfólkinu finn ég til með þetta er ekki góður né hollur vinnustaður, en skítt með það þau eru líka kennitölur og eiga að geta unnið endalaust á skítalaunum, þau eiga heima þarna er það ekki? Þessar kennitölur fóru í háskóla og borguðu skít fyrir tóku námslán og fóru til útlanda til þess að læra meira fyrir okkur sem erum alltaf að veikjast eða slasast, komu svo heim og stofnuðu fjölskyldur, er ekki í lagi með þessar kennitölur, ríkið á þessar kennitölur og þær eru að væla um hærri laun, svei þeim bara.

Það er góð auglýsinging „Skilar þú þínu“ og er átt við svarta atvinnustarfsemi, en undanfarið hef ég hugsað þegar þeir rúlla börunum inn á tóma aðgerðarstofu, skilið þið ykkar, þið þessir sem eigið peninganna? Borgið ykkur milljónir í arð úr bönkum sem þið eigið ekki eða fyrirtækjum sem eru hálfpartin ríkisrekin? Skilið þið ykkar sem viljið ekki borga réttmæta skatta og felið tekjur ykkar í skattaparadísum?

Ef þið mynduð gera það þá væri kannski betra heilbrigðiskerfi, þá væri kannski hægt að greiða  læknum og hjúkrunarfólki laun sem það á skilið, þá væri kannski allt betra ef að græðgin væri ekki að drepa ykkur, mikið væri nú gaman ef að eitthvert ykkar sem ekki borgar skattanna sína og felur tekjur sínar í paradís myndi veikjast núna alvarlega meðan læknaverkfallið stendur, það myndi nú bíta fast ef þið fengjuð ekki þá aðstoð strax sem þið þyrftuð og yrðuð bara að bíða og bíða en kannski mynduð þið bara múta einhverjum, ég vona að læknar taki það ekki í mál og leyfi ykkur að þjást, enginn veit hvað átt hefur fyrr en misst hefur.

Ég á geðfatlaða kennitölu sem fékk loks íbúð með sólahrings þjónustu. Hún borgar öryrkjabandalaginu leigu, borgar hita og rafmagn þessi elska þarf að borða og gerir allt eins og við hin, hún er sjálfstæð og gengur vel. Hún fór í endurmat hjá TR og fékk það, skilaði sínum pappírum og fékk sínar bætur þangað til núna í dag fær hún 0 kr og í des fær hún 35000 líkleg skýring er að þessi kennitala þarf að tala við lífeyrissjóðinn sinn til þess að sanna að hún fái ekki bætur úr honum???

Kennitalan mín er svo ung að hún hefur ekki enn greitt í lífeyrissjóð svo hvaða lífeyrissjóð á að tala við? Bara alla kannski? Þetta þurfti ekki síðast, hvað gerðist? Hver breytti reglunum? Það er nú þannig að þegar búið er að gera nýtt mat á kennitölu og það er 75% þá ber TR að greiða fullar bætur, þeir hafa öll gögn í höndunum ekkert hefur breyst og samt dettur þeim þetta í hug. Það væri gaman að vita hvernig þeim liði ef að þeir fengju ekki launin sín einn daginn bara 0 og ekkert næstu mánuði af því að ríkið er að spara. Ég er ansi hrædd um að það yrði panik það færi allt á hvolf og áhyggjur myndu fara með þær kennitölur sem ynnu hjá TR og sumar hafa kannski nóg af þeim fyrir. En að gera veikum kennitölum svona og það geðfötluðum er eins og að leika sér að tímasprengju og það finnst þeim gaman hjá TR að æra óstöðugan. Hver vill taka afleiðingunum af því ég spyr? Nokkuð viss um að þeir vilji það ekki.

Ég veit að þetta verður lagað en hvenær og þá þarf að borga vexti sem hún hefur ekkert efni á af því að tr er með einhvern sem hugsar þetta lið getur átt sig, af hverju fer það bara ekki að vinna, helv. aumingjar.

Þetta er fólk ekki kennitölur og að henda því inn í svona hringiðu getur kallað á skelfilega hluti. Hver man ekki eftir Hraunbæjaratvikinu. Ég er farin að hallast að því að Tr hafi verið falið það verkefni að spara og þeir hafi valið þann kostinn að þreyta okkur kenntölurnar svo með allskonar útúrsnúningum og bulli og þvælu og guð forði þeim frá því að gefa okkur upplýsingar um okkar rétt, það má aldrei verða. Þeir bíða eftir að við gefumst upp og við sem eigum líka langveikar litlar kennitölur þurfum að ganga þvílka göngu til þess að sækja aðstoð sem við eigum rétt á, en þeir vilja helst ekki veita en eiga að gera það samkvæmt lögum. Tr er ein sú skelfilegasta stofnun sem veikar kennitölur þurfa að eiga við og af hverju er það, það er spurning ? Það gæti verið vegna þess að til eru kennitölur sem misnota þessa stofnun og þá helst barnabótakerfið, það eyðileggur fyrir þeim sem þurfa á þessari stofnun að halda í alvöru.

Rétt eins og með lyfin allt í einu gátu læknar ekki gefið sjúklingum sínum verkjalyf vegna kennitalna sem misnotuðu aðstöðu sína og það kostar sjúklinga blóð svita og tár í dag og stundum margra daga bið líka að hitta sinn lækni og fá verkjalyf.

Atvinnusjúklingar/öryrkjar hafa minnst milli handanna hérna og TR leikur sér af því að henda fólki fram og til baka þangað til það verður hálfvitlaust, sumir gefast upp í baráttunni við þetta batterí aðrir ná að þrauka og vita sinn rétt. Við höfum okkar rétt og einn er sá að bætur skuli ekki vera lægri en 234.000 sem er neysluviðmið velferðarráðuneytisins og brýtur ríkisstjórn Íslands þar á rétti okkar eina ferðina enn.

Besta lausnin er losa sig við þessar kennitölur og þar koma þessar nýju byssur til góða. 30 skot í einni byssu gæti verið sparnaður þar, um að gera að nota þetta úr því þetta er komið til landsins, svo erum við gersamlega einskisnýtir þjófélagsþegnar, ónýtar kennitölur, byrði á hinum helgu herðum stjórnarinnar.

Svo þarf bara að halda þessu við þá þarf engin sjúkrahús, enga lækna bara skjóta ónýtar kennitölur með flottu byssunum sem allir eru svo hræddir við.