Innanríkisráðuneytið hefur nú til skoðunar vefsíðu öfgasamtakanna Íslamska ríkið sem hýst er hér á landi. Líkt og greint var frá í dag var síðan khilafah.is skráð á Íslandi í síðasta mánuði en síðan er kyrfilega merkt samtökunum sem hafa verið í öllum helstu fjölmiðlum heims síðustu mánuði vegna ofbeldis og þjóðernishreinsana í Írak og Sýrlandi.
Fréttastofa RÚV greinir frá því að málið sé í skoðun hjá ráðuneytinu en Jens Pétur Jenssen, framkvæmdastjóri ISNIC – Internet á Íslandi, sagði í viðtali við Vísi í dag að ekki væri hægt að taka niður lénið nema skráandi hefði gefið upp falskar upplýsingar eða íslenskir dómsstólar úrskurði að svo beri að gera.
Vefsíða IS til skoðunar hjá stjórnvöldum
Tengdar fréttir
ISIS með skráð lén á Íslandi: "Það er í sjálfu sér ekki hægt að koma í veg fyrir þetta“
Lén vefsíðu hryðjuverkasamtaka Íslamska ríkisins, ISIS, er skráð á Íslandi. Framkvæmdastjóri ISNIC - Internet á Íslandi segir það aðeins hafa verið tímaspursmál þar til að samtökin myndu útvega sér lén sem endar á .is.
