Einfættur súludansari vekur athygli

Lisa Eagleton er fertug fjögurra barna móðir í Wigan á Bretlandi. Hún lenti í hræðilegu bílslysi árið 2007 með þeim afleiðingum að taka þurfti af henni hægri fótinn fyrir neðan hné.  Seinustu misseri hefur hún vakið athygli sem eini einfætti súludansari landsins.

Eagleton er með gervifót og þurfti að læra að ganga upp á nýtt. Í viðtali við The Mirror segir hún að eftir bílslysið hafi hún verið mjög langt niðri og óörugg. Smám saman hafi hún þó byrjað að byggja sig upp. Eagleton fór að æfa súludans og hefur hún nú tekið þátt í nokkrum súludanskeppnum um Bretland.

Hér að neðan má sjá myndband af glæsilegum dansi Eagleton á súlunni.