Erlent

Þrettán hæða hús sprengt í loft upp á Gaza

Heimir Már Pétursson skrifar
Egyptar hafa hvatt Ísraelsmenn og Palestínumenn til að snúa aftur að samnigaborði en átök héldu áfram þrátt fyrir það með loftárásum Ísraelsmanna.
Egyptar hafa hvatt Ísraelsmenn og Palestínumenn til að snúa aftur að samnigaborði en átök héldu áfram þrátt fyrir það með loftárásum Ísraelsmanna. Vísir/AFP
Ísraelsher er enn með mikinn viðbúnað skammt frá landamærunum að Gaza þar sem skriðdrekar eru í viðbragðsstöðu ásamt farartækjum til að flytja hermenn yfir landamærin.

Egyptar hvöttu Ísraelsmenn og Palestínumenn í gær til að snúa aftur að samnigaborði en átök héldu áfram þrátt fyrir það með loftárásum Ísraelsmanna, sem meðal annars gjöreyðilögðu 13 hæða íbúðarhús í Gazaborg. Sautján manns særðust í árásinni.

Ísraelsher segir að stjórnstöð Hamasliða hafi verið til í húsinu en Palestínumenn segja að 44 fjölskyldur hafi búið í húsinu sem hrundi til grunna í árásinni.

Palestínumenn hafa einnig skotið eldflaugum yfir til Ísraels í morgun, meðal annars á borgina Beersheba þar sem tveir menn særðust að sögn lögreglu. Þá var að minnsta kosti tveimur eldflaugum skotið yfir til Ísraels frá Líbanon, en ekki liggur fyrir hverjir skutu þeim eldflaugum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.