Innlent

Erlendir göngumenn á hættusvæði

Kolbeinn Tumi Daðason skrifar
Skilti með skilaboðum til ferðamanna vegna jarðhræringanna í Vatnajökli.
Skilti með skilaboðum til ferðamanna vegna jarðhræringanna í Vatnajökli. Vísir/Sveinn
Þrátt fyrir að lokað sé fyrir umferð inn á stórt svæði norðan við Vatnajökul er enn vitað til þess að göngufólk sé þar á ferð. Lögreglustjórinn á Húsavík lokaði í fyrradag hluta Gæsavatnaleiðar og leiða að Herðubreiðarlindum vegna skjálftavirkninnar við Bárðarbungu á Vatnajökli.

Ólöf Snæhólm Baldursdóttir, upplýsingafulltrúi hjá Slysavarnafélaginu Landsbjörg, segir í samtali við Vísi að grennslast hafi verið fyrir um tvo göngumenn á svæðinu. Um er að ræða Bandaríkjamenn sem dvöldu í skálanum Botni við Suðurárbotna, um 50 kílómetra norðan við Bárðarbungu. Þeir hafi verið upplýstir um aðstæður en engu að síður ætlað að ganga inn í Bárðardal í dag.

Kristján Kristjánsson, yfirlögregluþjónn á Húsavík, ítrekar í samtali við Vísi að svæðið sé lokað fólki hvort sem um er að ræða akandi, gangandi eða hjólandi. Hins vegar sé erfitt að hefta för fótgangandi fólks. Aðspurður hvort komið hefðu upp tilfelli þar sem akandi hefðu ekki virt lokun vega segist Kristján það ekki hafa komið upp.

Smellið á kortið til að sjá stærri útgáfu.Mynd/Vegagerðin
Talsvert um göngufólk á svæðinu

Ólöf segir að búið sé að senda sms-skilaboð í farsíma fólks sem talið sé á svæðinu. Mikið hafi verið um göngufólk á svæðinu í sumar og alls ekki víst að búið sé að ná til allra. Vel geti verið gönguhópar á svæðinu en upplýsingum um skjálftavirknina og fylgjandi hættu hafi verið komið í skála á svæðinu.

Vegi F88 hefur verið lokað að fullu og vegi F910 að hluta. Hér til hliðar má sjá kort Vegagerðarinnar af þeim vegum sem um ræðir og svæðið norðan Vatnajökuls þar sem lokað er fyrir alla umferð. Svæðið er merkt skáletrað/svart.

Smellið á kortið til að sjá stærri útgáfu.


Tengdar fréttir

Virknin gengur áfram í bylgjum

Skjálftavirkni í kringum Bárðarbungu er enn mikil en þetta kemur fram í tilkynningu frá Veðurstofu Íslands.

Almannavarnardeild fundar og fer yfir ný gögn

"Það verður farið yfir öll ný gögn sem hafa borist undanfarinn sólarhring,“ segir Víðir Reynisson, deildarstjóri Almannavarnardeildar Ríkislögreglustjóra, í samtali við fréttastofu.

Stærsti skjálftinn til þessa

Jarðskjálfti upp á að minnsta kosti 3,8 stig varð í grennd við Kistufell í norð-vestanverðum Vatnajökli í nótt og er þetta sterkasti skjálftinn sem mælst hefur í hrinunni, sem hófst um helgina. Hann fannst meðal annars á Akureyri.

Næstum 3000 skjálftar á þremur dögum

Skjálftarnir hafa færst til norðurs og austurs að undanförnu. Flestir skjálftarnir hafa til þessa átt upptök sín á um 5 til 10 kílómetra dýpi og engar vísbendingar eru um að þeir séu að færast ofar.

Enn mikil skjálftavirkni undir Bárðarbungu

Heldur dró úr skjálftavirkni undir Bárðarbungu upp úr miðnætti en svo jókst hún aftur um fjögur leytið í nótt og varð brátt álíka og í fyrrinótt, þegar vel á þriðja hundrað skjálftar mældust frá miðnætti til klukkan sex í gærmorgun.

Brýrnar gætu sópast burt og Dettifoss sorfist niður

Hrinan í Bárðarbungu er mjög öflug og full ástæða til að gera ráð fyrir eldgosi, að mati sérfræðings Veðurstofu Íslands. Viðvörun gagnvart alþjóðaflugi var í dag sett á næstefsta stig.

Vefmyndavél komið fyrir við Bárðarbungu

Áhugasamir netverjar geta nú fylgst með öllum helstu hreyfingum Bárðarbungu í beinni á netinu en vefmyndavél var komið upp á Grímsfjalli í Vatnajökli í gær




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.