Bryan Cranston lék í Power Rangers

Flestir sem hyggjast verða leikarar þurfa að byrja í smærri verkefnum og stækka svo við sig smátt og smátt.

Sú var einmitt raunin fyrir bandaríska stórleikarann Bryan Cranston en hann gerði garðinn frægan með þáttaröðum á borð við Malcom in the Middle og Breaking Bad.

Stórleikarinn hefur hinsvegar ekki alltaf fengið stærstu hlutverkin og í byrjun ferils síns talsetti hann stundum þrjóta og illmenni fyrir japönsku þættina Power Rangers.

Hér fyrir neðan má heyra Bryan Cranston ljá illmenninu Snizzard rödd sína í æsispennandi bardaga illmennisins við Power Rangers.