Erlent

Ísraelar réðust á skóla á Gasa

Atli Ísleifsson skrifar
Rúmlega 1.200 Palestínumenn og 55 Ísraelar hafa nú fallið í árásum síðustu þriggja vikna.
Rúmlega 1.200 Palestínumenn og 55 Ísraelar hafa nú fallið í árásum síðustu þriggja vikna. Vísir/AP
Fimmtán fórust í loftárás Ísraelshers á skóla á vegum Sameinuðu þjóðanna á Gasa í nótt.

Skólinn hýsti fjölda flóttafólks og hafði Ísraelsmönnum margoft verið tilkynnt að óbreyttir borgarar væru í byggingunni að sögn Chris Gunness, talsmanns Sameinuðu þjóðanna. Segir hann „heiminum misboðið“ vegna árásarinnar.

Talsmenn Ísraelshers segja hermenn hafa brugðist við eftir að Hamas-liðar skutu eldflaugum frá stöðum „í nánd við skólann“.

Um 1.200 Palestínumenn og 55 Ísraelsmenn hafa fallið í árásum síðustu þriggja vikna. Flestir hinna föllnu Palestínumanna hafa verið óbreyttir borgarar.

Á vef BBC er vísað í könnun á vegum Háskólans í Tel Aviv, sem sýnir að 97 prósent ísraelskra gyðinga styðji árásir hersins á Gasa.




Fleiri fréttir

Sjá meira


×