Síðan hrundi vegna tilkynningar Emmu Watson

Það er mun meira en bara leikarahæfileikar á bakvið Emmu Watson en hún hefur verið ötul baráttukona gegn mannréttindabrotum í heiminum.

Nýlega var Watson ráðin sem velgjörðarsendiherra UN Women samtakanna en hún mun vinna að því að hvetja ungar konur til dáða.

Tilkynningin á vefsíðu UN Women vakti hinsvegar svo mikla athygli að síðan hrundi vegna álags og birtu samtökin afsökunarbeiðni á samfélagsmiðlinum Twitter og sögðu að síðan yrði komin í lag innan skamms.

„Þetta er vald Emmu Watson, hún vekur hrifningu heimsins,“ segir Elizabeth Nyamayaro í viðtali við vefsíðuna Mother Jones um atvikið en hún er í forsvari fyrir UN Women samtökin.

„Emma Watson er ekki einungis gáfuð, heldur hefur hún gríðarlega ástríðu fyrir málefnum ungra stúlkna,“ segir Nyamayaro í viðtalinu.

The exciting announcement of @EmWatson's appointment as our Goodwill Ambassador crashed our website! We apologize &hope to be back up soon.

— UN Women (@UN_Women) July 8, 2014