Katie komin með nýjan

Katie Holmes og Alexander Skarsgård eru nýjasta Hollywoodparið að sögn erlendu slúðurpressunnar.

Parið kynntist við tökur myndarinnar The Giver á síðasta ári og héldu góðu sambandi eftir að tökum lauk.

„Þau voru alltaf að flörta og það vissu það allir á tökustaðnum. Það kemur engum á óvart að þau séu að hittast,“ sagði heimildamaður við breska tímaritið Grazia.

Skarsgård er þó ekki fyrsti leikarinn sem hefur verið bendlaður við Holmes á undanförnum mánuðum en Jamie Foxx, George Clooney og Luke Kirby hafa allir átt að hafa deitað leikkonuna.