Amaba Dama færir fólki sólskin í hjartað með tónlistarmyndbandi

„Þetta er bara svona lítið og heimatilbúið,“ segir Steinunn Jónsdóttir, söngkona reggísveitarinnar Amaba Dama en sveitin var að senda frá sér nýtt tónlistarmyndband í dag.

„Við erum búin að vera að taka þetta upp þegar það er sól, þannig að þetta er búið að taka lengri tíma en það átti að taka,“ segir Steinunn og hlær en tónlistarmyndbandið er góð vítamínsprauta fyrir sólþyrsta Íslendinga.

„Þetta er bara svona aðeins til að færa fólki sólskin inn í hjartað,“ segir söngkonan en myndbandið er við lag sveitarinnar Hossa Hossa sem trónaði á toppi vinsældarlista Rásar 2 þrjár vikur í röð.

Myndbandið má sjá hér að neðan.