Segja Hjördísi ekki sitja í gæsluvarðhaldi Elimar Hauksson skrifar 8. febrúar 2014 17:45 Lögmenn Hjördísar Svan Aðalheiðardóttur hafa sent frá sér yfirlýsingu í kjölfar fréttar Fréttablaðsins í dag. Í yfirlýsingunni kemur fram að lögmenn Hjördísar hafi ekki tjáð sig um málið í fjölmiðlum þar sem um vikvæm persónuleg mál sé að ræða. Eigi að síður neyðist þeir nú til að mótmæla röngum fullyrðingum, sem hafðar séu eftir Láru V. Júlíusdóttur hrl. í Fréttablaðinu í morgun, og segja þeir að svo virðist sem Lára gangi út frá því að maðurinn geti birst hér á landi með danskan undirréttardóm í farteskinu og fengið sér afhent börnin tafarlaust og án undangenginnar málsmeðferðar fyrir íslenskum dómstólum.Einnig kemur fram að Hjördís sitji ekki lengur í gæsluvarðhaldi. Hún hafi aftur á móti verið sett í farbann í Danmörku í fjórar vikur á meðan mál hennar, er varðar för hennar með börn sín til Íslands síðastliðið sumar, er til meðferðar fyrir dómstólnum. Hjördís Svan Aðalheiðardóttir var á miðvikudaginn sótt hingað til lands af tveimur dönskum lögreglumönnum og flutt til Danmerkur eftir að norræn handtökuskipun var gefin út á hendur henni. Hjördís er ákærð fyrir mannrán eftir að hafa flutt dætur sínar ólöglega brott frá Danmörku til Íslands í ágúst síðastliðnum. Hjördís hefur staðið í áralangri forræðisdeilu við danskan barnsföður sinn, Kim Gram Laursen, og hefur nú í fjórgang flutt börnin ólöglega frá Danmörku. Danskir dómstólar veittu Laursen fullt forræði yfir börnunum árið 2012. Yfirlýsinguna í heild sinni má lesa hér fyrir neðan: Dómari í Horsens í Danmörku hafnaði í gær kröfu lögreglu og ákæruvalds þar í landi þess efnis að Hjördís Svan Aðalheiðardóttir skyldi sæta gæsluvarðhaldi. Þess í stað var hún sett í farbann í Danmörku í fjórar vikur á meðan mál hennar, er varðar för hennar með börn sín til Íslands sl. sumar, er til meðferðar fyrir dómstólnum. Lögmaður Hjördísar Svan í Danmörku, Thomas Berg, telur hugsanlegt að hún verði komin heim til Íslands innan þessa tíma. Telur hann góðar líkur á sýknu þar sem Hjördísi Svan hafi ekki aðeins verið rétt heldur skylt á grundvelli nauðvarnar, að forða börnunum úr þeim aðstæðum sem þau bjuggu við. Mun þess verða krafist að nýleg gögn er varða meint harðræði verði tekin til umfjöllunar ekkert síður en kæra föðurs um brottnám barnanna. Mál þetta hefur ekki verið flutt í fjölmiðlum af hálfu undirritaðra lögmanna þar sem um viðkvæm persónuleg mál er að ræða. Eigi að síður neyðumst við undirrituð nú til að mótmæla röngum fullyrðingum, sem hafðar eru eftir Láru V. Júlíusdóttur hrl. í Fréttablaðinu í morgun, en hún virðist ganga út frá því að maðurinn geti birst hér á landi með danskan undirréttardóm í farteskinu og fengið sér afhent börnin tafarlaust og án undangenginnar málsmeðferðar fyrir íslenskum dómstólum. Hjördís Svan og börn hennar máttu sæta slíkri ólögmætri aðför sumarið 2012 þar sem ekki var farið að lögum við framkvæmdina af hálfu íslenskra yfirvalda. Þetta hefur Innanríkisráðuneytið staðfest með bréfi sínu til sýslumannanna á Höfn og í Kópavogi frá 23. ágúst 2013 sl. Sú lögleysa verður ekki endurtekin. Athygli vekur að lögmaðurinn skuli vera með einhverjar slíkar bollaleggingar og vekur þá spurningu: Hvers vegna vill faðirinn forðast að fara í svokallað „brottnámsmál“ á grundvelli laga um viðurkenningu og fullnustu erlendra ákvarðana um forsjá barna, afhendingu brottnuminna barna o.fl. nr. 160/1995 ? Í slíku máli gefst báðum aðilum færi á að flytja mál sitt og leggja fram gögn málstað sínum til stuðnings. Varðandi þá túlkun lögmannsins að barnaverndaryfirvöld eigi tafarlaust að taka börnin frá móðurfjölskyldunni skal því einnig mótmælt þar sem þau eiga ekki aðkomu að málum þar sem enginn ágreiningur er um að velferð barnanna er borgið. Börnin hafa fengið skínandi vitnisburði frá íslenskum skólayfirvöldum þar sem fram kemur að þau hafi haft góðan framgang í námi og búið við gott atlæti. Reykjavík, 8. febrúar 2014 Lögmenn Höfðabakka Hreinn Loftsson hrl. og Kristín Ólafsdóttir hdl. Hjördís Svan Mest lesið Læknir í Kópavogi blekkti fjölskyldu sína með lygasögu um krabbamein Innlent Segir herforingjum að búa sig undir átök gegn innlendum „óvinum“ Erlent Kallar þjóðaröryggisráð saman Innlent Tillögum Trumps lýst sem uppgjöf Erlent Fyrrum meðferðarheimili sett á sölu Innlent Sultuslakir strandaglópar eftir heilsuferð til Split Innlent Tugir drengja fastir í rústum skóla sem hrundi til grunna Erlent Hættir sem þingflokksformaður Innlent Ná ekki að leika árangur Wagner eftir Erlent Strandaglópar slaga í tuttugu þúsund Innlent Fleiri fréttir Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign Sjá meira
Lögmenn Hjördísar Svan Aðalheiðardóttur hafa sent frá sér yfirlýsingu í kjölfar fréttar Fréttablaðsins í dag. Í yfirlýsingunni kemur fram að lögmenn Hjördísar hafi ekki tjáð sig um málið í fjölmiðlum þar sem um vikvæm persónuleg mál sé að ræða. Eigi að síður neyðist þeir nú til að mótmæla röngum fullyrðingum, sem hafðar séu eftir Láru V. Júlíusdóttur hrl. í Fréttablaðinu í morgun, og segja þeir að svo virðist sem Lára gangi út frá því að maðurinn geti birst hér á landi með danskan undirréttardóm í farteskinu og fengið sér afhent börnin tafarlaust og án undangenginnar málsmeðferðar fyrir íslenskum dómstólum.Einnig kemur fram að Hjördís sitji ekki lengur í gæsluvarðhaldi. Hún hafi aftur á móti verið sett í farbann í Danmörku í fjórar vikur á meðan mál hennar, er varðar för hennar með börn sín til Íslands síðastliðið sumar, er til meðferðar fyrir dómstólnum. Hjördís Svan Aðalheiðardóttir var á miðvikudaginn sótt hingað til lands af tveimur dönskum lögreglumönnum og flutt til Danmerkur eftir að norræn handtökuskipun var gefin út á hendur henni. Hjördís er ákærð fyrir mannrán eftir að hafa flutt dætur sínar ólöglega brott frá Danmörku til Íslands í ágúst síðastliðnum. Hjördís hefur staðið í áralangri forræðisdeilu við danskan barnsföður sinn, Kim Gram Laursen, og hefur nú í fjórgang flutt börnin ólöglega frá Danmörku. Danskir dómstólar veittu Laursen fullt forræði yfir börnunum árið 2012. Yfirlýsinguna í heild sinni má lesa hér fyrir neðan: Dómari í Horsens í Danmörku hafnaði í gær kröfu lögreglu og ákæruvalds þar í landi þess efnis að Hjördís Svan Aðalheiðardóttir skyldi sæta gæsluvarðhaldi. Þess í stað var hún sett í farbann í Danmörku í fjórar vikur á meðan mál hennar, er varðar för hennar með börn sín til Íslands sl. sumar, er til meðferðar fyrir dómstólnum. Lögmaður Hjördísar Svan í Danmörku, Thomas Berg, telur hugsanlegt að hún verði komin heim til Íslands innan þessa tíma. Telur hann góðar líkur á sýknu þar sem Hjördísi Svan hafi ekki aðeins verið rétt heldur skylt á grundvelli nauðvarnar, að forða börnunum úr þeim aðstæðum sem þau bjuggu við. Mun þess verða krafist að nýleg gögn er varða meint harðræði verði tekin til umfjöllunar ekkert síður en kæra föðurs um brottnám barnanna. Mál þetta hefur ekki verið flutt í fjölmiðlum af hálfu undirritaðra lögmanna þar sem um viðkvæm persónuleg mál er að ræða. Eigi að síður neyðumst við undirrituð nú til að mótmæla röngum fullyrðingum, sem hafðar eru eftir Láru V. Júlíusdóttur hrl. í Fréttablaðinu í morgun, en hún virðist ganga út frá því að maðurinn geti birst hér á landi með danskan undirréttardóm í farteskinu og fengið sér afhent börnin tafarlaust og án undangenginnar málsmeðferðar fyrir íslenskum dómstólum. Hjördís Svan og börn hennar máttu sæta slíkri ólögmætri aðför sumarið 2012 þar sem ekki var farið að lögum við framkvæmdina af hálfu íslenskra yfirvalda. Þetta hefur Innanríkisráðuneytið staðfest með bréfi sínu til sýslumannanna á Höfn og í Kópavogi frá 23. ágúst 2013 sl. Sú lögleysa verður ekki endurtekin. Athygli vekur að lögmaðurinn skuli vera með einhverjar slíkar bollaleggingar og vekur þá spurningu: Hvers vegna vill faðirinn forðast að fara í svokallað „brottnámsmál“ á grundvelli laga um viðurkenningu og fullnustu erlendra ákvarðana um forsjá barna, afhendingu brottnuminna barna o.fl. nr. 160/1995 ? Í slíku máli gefst báðum aðilum færi á að flytja mál sitt og leggja fram gögn málstað sínum til stuðnings. Varðandi þá túlkun lögmannsins að barnaverndaryfirvöld eigi tafarlaust að taka börnin frá móðurfjölskyldunni skal því einnig mótmælt þar sem þau eiga ekki aðkomu að málum þar sem enginn ágreiningur er um að velferð barnanna er borgið. Börnin hafa fengið skínandi vitnisburði frá íslenskum skólayfirvöldum þar sem fram kemur að þau hafi haft góðan framgang í námi og búið við gott atlæti. Reykjavík, 8. febrúar 2014 Lögmenn Höfðabakka Hreinn Loftsson hrl. og Kristín Ólafsdóttir hdl.
Hjördís Svan Mest lesið Læknir í Kópavogi blekkti fjölskyldu sína með lygasögu um krabbamein Innlent Segir herforingjum að búa sig undir átök gegn innlendum „óvinum“ Erlent Kallar þjóðaröryggisráð saman Innlent Tillögum Trumps lýst sem uppgjöf Erlent Fyrrum meðferðarheimili sett á sölu Innlent Sultuslakir strandaglópar eftir heilsuferð til Split Innlent Tugir drengja fastir í rústum skóla sem hrundi til grunna Erlent Hættir sem þingflokksformaður Innlent Ná ekki að leika árangur Wagner eftir Erlent Strandaglópar slaga í tuttugu þúsund Innlent Fleiri fréttir Fjöldauppsagnir á Keflavíkurflugvelli Gjaldþrotið leiðir til hópuppsagnar og afarkostir Bandaríkjaforseta Fyrrum meðferðarheimili sett á sölu Strandaglópar slaga í tuttugu þúsund Sultuslakir strandaglópar eftir heilsuferð til Split Kallar þjóðaröryggisráð saman Verulegt högg fyrir ferðaþjónustuna Eftirköstin af gjaldþroti Play og friðaráætlun á Gasa Læknir í Kópavogi blekkti fjölskyldu sína með lygasögu um krabbamein Áhyggjur landsmanna af útbreiðslu hernaðarátaka í Evrópu aukast Hættir sem þingflokksformaður Sundlaugar borgarinnar verði bættar fyrir ungbarnafjölskyldur Hópslagsmál og hundaárás Vonsviknir ferðamenn og reiði út í Icelandair vegna hækkunar fargjalda Arnarflug lifað lengst í samkeppni við Icelandair Fall Play frá öllum hliðum Tilkynnt um dróna yfir Keflavíkurflugvelli Þriggja ára fangelsi: Tók ekki mark á lygilegri frásögn Neyðast til að millilenda, tapaður peningur og rándýr flug heim Lítur svo á að hann njóti ekki trausts og hefur beðist lausnar Banaslys á Skagavegi 2024: Drukknaði eftir að hafa misst stjórn í beygju Sjokk, stress og særindi í Leifsstöð Bein útsending: Lýðheilsuvísar 2025 kynntir Ekki erfitt að vera föst í 25 gráðum en ástæðan sorgleg „Óvænt og líka mjög leiðinlegt“ Play hættir að fljúga, hundruð missa vinnuna og strandaglópar í Leifsstöð Föst í Portúgal: „Siðlaust“ að fljúga vélunum út í morgun Fara yfir stöðuna vegna Play og skipuleggja sig Bílstjórinn þrettán ára Vísað burtu af hóteli og svo handtekinn í sameign Sjá meira