Addams Family-stjarna látin

Leikarinn Ken Weatherwax, sem túlkaði Pugsley í sjónvarpsþáttunum The Addams Family, lést úr hjartaáfalli á heimili sínu í Kaliforníu á sunnudaginn. Hann var 59 ára gamall.

Fjölskylda leikarans segir í samtali við TMZ að það verði tvær jarðarfarir - ein fyrir fjölskyldu Kens og önnur fyrir aðdáendur hans. 

Ken lék Pugsley í sjónvarpsþáttunum á árunum 1964 til 1966. Þá lék hann einnig Pugsley eldri í sjónvarpsmyndinni Addams.

Lítið gekk annars í leiklistinni hjá Ken og einbeitti hann sér síðustu ár að því að vinna á bak við tjöldin í sjónvarps- og kvikmyndabransanum.