Lífið

Stíllinn fer eftir veðrum og vindum

Ylfa Geirsdóttir segist ekki alltaf nenna að hafa sig til og er oft eins og haugur til fara í vinnunni.
Ylfa Geirsdóttir segist ekki alltaf nenna að hafa sig til og er oft eins og haugur til fara í vinnunni. Vísir/Stefán
„Ég hef mjög gaman af fötum en ég myndi ekki segja að þau væru mitt helsta áhugamál. Stíllinn minn er algjörlega misjafn eftir veðri og vindum. Á sumrin klæðist ég litríkari fötum en á veturna. Þá fer ég í smá dvala og klæðist dökkum litum og mikið af svörtu. Mér finnst gaman að hafa mig til en nenni því alls ekki á hverjum degi og er oft eins og haugur til fara í vinnunni. Stíllinn minn er algjörlega blandaður af ódýru og dýru en sjaldnast pæli ég í merkjum. Ég kaupi bara það sem mér finnst fallegt og oft eru það mjög klassísk föt sem ég nota í mörg ár,“ segir Ylfa Geirsdóttir 

„Það verða allir að eiga leðurjakka enda algjör klassík sem passar við allt. Hann er frá merkinu Barbara Gongini sem fæst í GK.“
„Þennan jakka elska ég og hann kemur mér alltaf i gott skap. Ég keypti hann úti á Ítalíu fyrir tveimur árum og ég veit að ég mun nota hann í mörg ár í viðbót. Það er líka hægt að snúa honum við og þá er hann túrkísblár.“
"Þessi kjóll er í algjöru uppáháldi hjá mér þessa daganna en vinkona mín Helga Lilja hannaði hann undir merkinu Helicopter en hún selur vörurnar sínar í Kiosk á Laugaveginum. Mér finnst hann ganga við svo mörg tilefni og hægt er að dressa hann upp eða niður eftir því hvað hentar."
„Sólgleraugun voru afmælisgjöf frá yndislegu Sólveigu, æskuvinkonu minni, og þau eru frá merkinu Miu Miu. Þetta eru sparigleraugun mín en ég nota Ray Ban Wayfarer dagsdaglega.“
„Dagsdaglega er ég voða mikið í stuttermabolum og gallabuxum en ég á svona boli í mörgum litum. Svo poppa ég þá upp með fallegu skarti og það nýjasta eru tvö hálsmen sem mér þykir afar vænt um. Kríu-hálsmen var 30 ára afmælisgjöf til sjálfrar mín og hálsmen sem Júlía mín bjó til handa mér í afmælisgjöf.“


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.