Solange reifst líka við fatahönnuð

Solange Knowles, litla systir söngkonunnar Beyoncé, reifst líka við fatahönnuðinn Rachel Roy á Met-ballinu þann 5. maí ef marka má heimildir tímaritsins Us Weekly.

Staðhæfir ritið að Solange hafi öskrað á Rachel og að Beyoncé hafi komið á milli þeirra og fengið þær til að sættast. Ekki er ljóst af hverju sauð uppúr á milli þeirra.

Að sögn heimildarmanna Us Weekly lenti Solange upp á kant við fleiri á ballinu en myndband af henni að rífast við Jay Z, eiginmann Beyoncé, fór á flug í netheimum í gær.

Talsmenn Solange, Beyoncé, Jay Z og Rachel hafa ekki tjáð sig um það sem gerðist á ballinu.