Flestir brunar í desember Sigrún A. Þorsteinsdóttir skrifar 20. desember 2014 07:00 Hátt í fimmtungur eldsvoða á heimilum sem tilkynntir eru til VÍS verður í desember. Flestir þeirra yfir hátíðisdagana sjálfa þegar annir á heimilinu eru mestar. Oftast kviknar í út frá eldamennsku eða kertum og sýnir könnun Eldvarnabandalagsins að eldvarnarteppi er notað í 33% tilfella til að slökkva litla elda á heimilum. Mikilvægt er að huga að öryggi, staðsetningu og undirstöðu kerta og útbúa skreytingar þannig að sem minnst hætta sé á að kvikni í þeim þó að gleymist að slökkva. Alltof algengt er að sjá kubbakertum raðað þétt saman sem eykur eldhættu til muna. Bil á milli kerta á ekki að vera minna en 10 sm. Gæta þarf þess að kerti séu ekki í trekk og ekkert eldfimt sé nærri þeim. Kerti sem búið er að setja eitthvað utan um, svo sem skraut, servéttur, pappír eða húð eins og gyllingu, geta verið sérstaklega varhugaverð. Þegar kviknar í á eldavél stafar það oftast af því að eldamennskan gleymist. Eitthvað er skilið eftir á eldavélinni eða þá að olían hitnar of mikið og kviknar í henni. Öruggast er að yfirgefa ekki eldhúsið meðan verið er að elda, geyma aldrei neitt ofan á hellunum og nota öryggislæsingar þegar eldavélin er ekki í notkun. Seríur eru á flestum heimilum yfir hátíðina, bæði úti og inni. Varasamt er að nota lélegar seríur. Ef slokknar á perum í seríum eykst straumur til annarra og þær geta hitnað. Ef hægt er að skipta um perur þarf að gera það strax og gæta þess að nýju perurnar séu af réttum styrkleika. Gott er að slökkva á seríum utandyra ef óveður er í kortum. Það eykur líftíma þeirra og kemur í veg fyrir að þær slái út rafmagni hússins ef þær bila í veðrinu.Grunnstoðir í lagi Þegar stinga þarf mörgu í samband í einu freistast margir til að hlaða of miklu í fjöltengi. Hvorki er ráðlegt að tengja þau saman né fylla þau af mjög orkufrekum tækjum. Kviknað hefur í af þeim sökum. Nauðsynlegt er að vera viðbúin því að eldur geti kviknað á heimilinu með því að hafa grunnstoðirnar þrjár í eldvarnabúnaði til staðar og í lagi: – Einn reykskynjari á hverri hæð og í herbergjum þar sem raftæki eru. Skipta þarf einu sinni á ári um rafhlöðu í reykskynjurum sem hafa 9 vatta rafhlöðu. Einnig þarf að gæta að því að líftími reykskynjarans sjálfs er 10 ár. Þá þarf að skipta honum út. – Eldvarnarteppi á sýnilegum og aðgengilegum stað í eldhúsi en þó ekki of nærri eldavél. – Yfirfarið slökkvitæki á aðgengilegum stað við útgöngu. Njótum aðventunnar og jólahátíðarinnar. Höfum öryggið að leiðarljósi og kynnum okkur eldvarnir heimilisins nánar á vis.is eða í Handbók heimilisins um eldvarnir frá Eldvarnarbandalaginu. Viltu birta grein á Vísi? Sendu okkur póst. Senda grein Mest lesið Enga saltdreifara á Bessastaði takk Skírnir Garðarsson Skoðun Eins og sandur úr greip Jón Steindór Valdimarsson Skoðun Bakslag í streymi Silja Snædal Drífudóttir Skoðun Spurðu fólkið Halla Tómasdóttir Skoðun Sögufölsun eytt í kyrrþey Hjörtur Hjartarson Skoðun Óbærileg léttúð VG Jakob Frímann Magnússon Skoðun Hvernig forseta vilt þú? Valdís Arnarsdóttir Skoðun Satt og logið Bryndís Schram Skoðun Breiðholt brennur Eðvarð Hilmarsson Skoðun Hver er pælingin? Ásgeir Brynjar Torfason Skoðun Skoðun Skoðun Eins og sandur úr greip Jón Steindór Valdimarsson skrifar Skoðun Enga saltdreifara á Bessastaði takk Skírnir Garðarsson skrifar Skoðun Hvernig forseta vilt þú? Valdís Arnarsdóttir skrifar Skoðun Spurðu fólkið Halla Tómasdóttir skrifar Skoðun Vopn, sprengjur og annað eins Árný Björg Blandon skrifar Skoðun Hvar er eldhúsglugginn? Elsa Ævarsdóttir skrifar Skoðun Bakslag í streymi Silja Snædal Drífudóttir skrifar Skoðun Tímaskekkja á 21. öldinni Valerio Gargiulo skrifar Skoðun Hver er pælingin? Ásgeir Brynjar Torfason skrifar Skoðun Í átt að velsæld á nokkrum mínútum Olga Björt Þórðardóttir skrifar Skoðun Er fyrirmyndarríkið Ísland í ruslflokki í sorpmálum? Sigurður Páll Jónsson skrifar Skoðun Takk fyrir vettlingana! Hópur foreldra leikskólabarna í Reykjavík skrifar Skoðun Hvað varð um samveruna? Hildur Gunnarsdóttir skrifar Skoðun Listir og velferð Kristín Valsdóttir skrifar Skoðun Er forsetaframbjóðendum umhugað um dýravernd? Árni Stefán Árnason skrifar Skoðun Þegar þú vilt miklu meira bákn Hjörtur J. Guðmundsson skrifar Skoðun Óbærileg léttúð VG Jakob Frímann Magnússon skrifar Skoðun Að hafa áhrif á nærumhverfi sitt Guðbrandur Einarsson skrifar Skoðun Framtíð innri markaðarins Gunnar Bragi Sveinsson skrifar Skoðun Satt og logið Bryndís Schram skrifar Skoðun Alþjóðlegi leiðsöguhundadagurinn Sigþór U. Hallfreðsson skrifar Skoðun Framsókn leggst ekki í duftið Guðmundur Birkir Þorkelsson skrifar Skoðun Að dreyma um alheim góðvildar Valerio Gargiulo skrifar Skoðun Að bjarga sex lífum á mínútu í hálfa öld Birna Þórarinsdóttir skrifar Skoðun Þegar þú ert báknið Gabríel Ingimarsson skrifar Skoðun Svik við þjóðina Alfreð Sturla Böðvarsson skrifar Skoðun Innivist er mikilvægasti þátturinn við hönnun íbúða! Ásta Logadóttir skrifar Skoðun Brautryðjandinn Baldur Þóra Björk Smith skrifar Skoðun Katrín og Gunnar? Hjörtur J. Guðmundsson skrifar Skoðun Ótímabundin leyfi, ótímabundið náttúruníð Elvar Örn Friðriksson skrifar Sjá meira
Hátt í fimmtungur eldsvoða á heimilum sem tilkynntir eru til VÍS verður í desember. Flestir þeirra yfir hátíðisdagana sjálfa þegar annir á heimilinu eru mestar. Oftast kviknar í út frá eldamennsku eða kertum og sýnir könnun Eldvarnabandalagsins að eldvarnarteppi er notað í 33% tilfella til að slökkva litla elda á heimilum. Mikilvægt er að huga að öryggi, staðsetningu og undirstöðu kerta og útbúa skreytingar þannig að sem minnst hætta sé á að kvikni í þeim þó að gleymist að slökkva. Alltof algengt er að sjá kubbakertum raðað þétt saman sem eykur eldhættu til muna. Bil á milli kerta á ekki að vera minna en 10 sm. Gæta þarf þess að kerti séu ekki í trekk og ekkert eldfimt sé nærri þeim. Kerti sem búið er að setja eitthvað utan um, svo sem skraut, servéttur, pappír eða húð eins og gyllingu, geta verið sérstaklega varhugaverð. Þegar kviknar í á eldavél stafar það oftast af því að eldamennskan gleymist. Eitthvað er skilið eftir á eldavélinni eða þá að olían hitnar of mikið og kviknar í henni. Öruggast er að yfirgefa ekki eldhúsið meðan verið er að elda, geyma aldrei neitt ofan á hellunum og nota öryggislæsingar þegar eldavélin er ekki í notkun. Seríur eru á flestum heimilum yfir hátíðina, bæði úti og inni. Varasamt er að nota lélegar seríur. Ef slokknar á perum í seríum eykst straumur til annarra og þær geta hitnað. Ef hægt er að skipta um perur þarf að gera það strax og gæta þess að nýju perurnar séu af réttum styrkleika. Gott er að slökkva á seríum utandyra ef óveður er í kortum. Það eykur líftíma þeirra og kemur í veg fyrir að þær slái út rafmagni hússins ef þær bila í veðrinu.Grunnstoðir í lagi Þegar stinga þarf mörgu í samband í einu freistast margir til að hlaða of miklu í fjöltengi. Hvorki er ráðlegt að tengja þau saman né fylla þau af mjög orkufrekum tækjum. Kviknað hefur í af þeim sökum. Nauðsynlegt er að vera viðbúin því að eldur geti kviknað á heimilinu með því að hafa grunnstoðirnar þrjár í eldvarnabúnaði til staðar og í lagi: – Einn reykskynjari á hverri hæð og í herbergjum þar sem raftæki eru. Skipta þarf einu sinni á ári um rafhlöðu í reykskynjurum sem hafa 9 vatta rafhlöðu. Einnig þarf að gæta að því að líftími reykskynjarans sjálfs er 10 ár. Þá þarf að skipta honum út. – Eldvarnarteppi á sýnilegum og aðgengilegum stað í eldhúsi en þó ekki of nærri eldavél. – Yfirfarið slökkvitæki á aðgengilegum stað við útgöngu. Njótum aðventunnar og jólahátíðarinnar. Höfum öryggið að leiðarljósi og kynnum okkur eldvarnir heimilisins nánar á vis.is eða í Handbók heimilisins um eldvarnir frá Eldvarnarbandalaginu.