Nigel Moore áfram hjá Njarðvík

Körfuknattleiksdeild Njarðvíkur hefur samið við Nigel Moore um að spila áfram með karlaliði félagsins sem og að þjálfa kvennaliðið á næstu leiktíð.

Þetta tilkynnti félagið á heimasíðu sinni í dag. Þar kemur fram að flestir af núverandi leikmönnum kvennaliðsins hafi gert tveggja ára samning við félagið.

Það er þó ekki búið að ganga frá ráðningu erlends leikmanns en ólíklegt e að Lele Hardy snúi aftur, þar sem hún reynir nú fyrir sér í sterkari deildum.

Moore spilaði vel með Njarðvík í vetur. Hann skoraði rúm 20 stig að meðaltali í leik auk þess að taka tæp átta fráköst í leik og gefa rúmar fjórar stoðsendingar.