Umfjöllun og viðtöl: HK - Valur 23-28 | Annar sigur Vals í röð Eiríkur Stefán Ásgeirsson í Digranesi skrifar 24. október 2013 11:38 Geir Guðmundsson skoraði átta mörk í kvöld. Mynd/Vilhelm Ólafur Stefánsson stýrði Valsmönnum til sigurs á útivelli í fyrsta sinn á tímabilinu. Valur hafði betur gegn botnliði HK í Digranesinu en Kópavogsliðið er enn að bíða eftir fyrsta sigrinum á tímabilinu. HK-ingar börðust af krafti í kvöld og var staðan að loknum fyrri hálfleik jöfn, 13-13. Meiri agi og betra skipulag var á leik Valsmanna í síðari hálfleik og það gerði gæfumuninn. Valur er enn í sjötta sæti deildarinnar eftir sigurinn í kvöld en nú með sex stig. Það munar þó aðeins tveimur stigum á Val og toppliðum Hauka og ÍR eftir leiki kvöldsins. HK-ingar eru sem fyrr í neðsta sæti með eitt stig. Það var allt annar og betri bragur á liði HK í kvöld en verið hefur í síðustu leikjum. Baráttan var til fyrirmyndar en á henni náðu HK-ingar að halda sér inn í leiknum fram á lokamínútur leiksins. HK var oftar með frumkvæðið í fyrri hálfleik og nýtti sér þá ringulreið sem var í liði Vals, sérstaklega á upphafsmínútum leiksins. Miklu munaði um framlag Jóhanns Reynis Gunnlaugssonar sem tók sig til og skoraði fimm mörk í röð fyrir HK á sex mínútna kafla. Jóhann Reynir átti eftir að skora alls tíu mörk í leiknum en þessi öfluga skytta, sem kom frá Víkingi í sumar, var óhræddur við að láta vaða í leiknum í kvöld. Valsmenn bættu sinn leik verulega í síðari hálfleik og um tíma leit út fyrir að lærisveinar Ólafs Stefánssonar ætluðu að stinga af. Hlynur hrökk í gang í markinu með betri varnarleik og þá komu hraðaupphlaupsmörkin. En sem fyrr gáfust heimamenn ekki upp og voru vel inni í leiknum þar til að um fimm mínútur voru eftir. Hópur HK er heldur þunnskipaður og þreyttir leikmenn HK gerðu ítrekað mistök sem Valsmenn voru duglegir að refsa fyrir. Geir Guðmundsson fékk frítt skotleyfi á lokakafla leiksins og var öflugur. Hann endaði sem markahæsti leikmaður Valsmanna sem nýttu breiddina sína ágætlega í kvöld. Guðmundur Hólmar var einnig öflugur sem og Vignir á línunni.Ólafur: Náðum að halda haus Ólafur Stefánsson, þjálfari Vals, fagnaði stigunum tveimur sem Valur fékk í kvöld en sagði margt hægt að bæta í frammistöðunni. Hans menn náðu sér illa á strik í fyrri hálfleik og Ólafur brást við því í hálfleik. „Ég vildi í raun breyta öllu fyrir seinni hálfleikinn. HK er með gott lið og hættulegir heim að sækja, sérstaklega á þessum tímapunkti. Þeir eru undir pressu,“ sagði Ólafur eftir leikinn. „Við vorum bara ekki nógu vel einbeittir í fyrri hálfleik. Seinni hálfleikur var heldur ekki sannfærandi og við misstum til að mynda niður þriggja marka forystu.“ „En ég er ánægður með að við náðum að halda haus. Við þurftum að breyta ansi mörgu - meira en ég hefði viljað. Við prófuðum meira að segja 6-0 vörnina. Hún var ekki að rúlla enda höfum við ekki verið að æfa hana að neinu ráði.“ Ólafur segir að 5+1 vörnin hafi gefið bestu raunina. „Við erum að reyna að finna okkar útgáfu af henni - þróa hana og spila hana betur. Við eigum enn nokkuð langt í land en það var margt fínt í kvöld.“ „Við tókum örlítið skref fram á við í kvöld - hænufet. Það er betra en skref aftur á bak. Þetta voru mikilvægir punktar og nú höfum við tvær vikur til að vinna í okkar málum í næði áður en við mætum ÍBV.“ Ólafur er duglegur að nota breiddina í Valsliðinu en án þess þó að taka leikmenn sem standa sig vel út af án sýnilegrar ástæðu. „Þessi hugmynd um að láta menn spila korter og korter sama hvað gerist í leiknum var í raun ekki sniðug í raun á skjön við allt það sem ég stend fyrir.“ „Þetta var hugmynd sem gekk vel hjá mér í fjögur ár en var ekki að rúlla vel fyrir okkur. Maður verður að vera tilbúinn til þess að breyta til,“ bætti hann við.Jóhann Reynir: Framfaraskref hjá okkur „Það var barátta í þessu hjá okkur - meiri en í síðustu leikjum. Þetta var framfaraskref þrátt fyrir tapið,“ sagði Jóhann Reynir Gunnlaugsson eftir sigur Vals á HK í kvöld. Jóhann Reynir skoraði tíu mörk í leiknum og fór á löngum köflum fyrir sóknarleik HK-inga í leiknum. „Ég er bjartsýnn á framhaldið ef við miðum við þennan leik. Menn ætla að gefa sig alla í þetta og nú er það bara næsti leikur.“ „Það var jákvætt að við fengum ekki jöfn mörg mörk á okkur úr hraðaupphlaupum eins og í síðustu leikjum. Þau komu nokkur í restina hjá Val en þá voru menn orðnir þreyttir.“ „En aðalmálið var baráttan og hún var góð í kvöld.“Samúel Ívar: Spiluðum með hjartanu „Ég er sáttur við heilmikið sem mínir menn gerðu í kvöld. Ég hef verið að kalla eftir því að menn spili með hjartanu og þó svo að við séum með ungt lið eru ákveðnir leikmenn sem þurfa að draga vagninn meira en aðrir,“ sagði Samúel Ívar Árnason, þjálfari HK. „Það tekur kannski smá tíma að venjast því að leita oftar á sömu mennina en heilt yfir fannst mér leikmenn svara kallinu nokkuð vel.“ „Við ræddum það í vikunni hvernig við viljum kynna okkur út á við og hvernig það er talað um okkur sem handboltalið. Við höfum sett okkur ákveðin mottó og mér fannst við standa ágætlega undir merkjum í dag.“ Hann segir að þrátt fyrir að Valur hafi unnið fimm marka sigur hafi ekki verið fimm marka munur á frammistöðu liðanna í kvöld. „Við vorum í góðum séns þar til á lokamínútunum. Varnarleikurinn hjá okkur var góður þrátt fyrir að einstaklingsmistökin koma inn á milli en það er oft einkenni ungra liða.“ „Heilt yfir var þetta fyrsta flokks barátta hjá mínum mönnum og ég get ekki sett neitt út á frammistöðuna ef þetta er viljinn sem menn sýna bæði í æfingum og leikjum.“ Olís-deild karla Mest lesið „Ég er aldrei sáttur“ Fótbolti Gerðu Bellingham að stórstjörnu og kaupa nú bróður hans Sport Sviptur fyrirliðabandinu og mun aldrei spila fyrir þjálfara Póllands Fótbolti Fóru yfir endurkomu Söndru: „Þetta er bara besti bitinn“ Fótbolti Shai setti stigamet þegar OKC jafnaði úrslitaeinvígið Körfubolti „Ég myndi spila fótbrotinn fyrir landsliðið“ Fótbolti Sautján ára Íslendingur vann brons í fullorðinsflokki Sport Greindi sjálfur frá því að hann hafi verið rekinn Fótbolti Sunneva lagði upp fyrir framan metfjölda áhorfenda Fótbolti Dagskráin í dag: Landsleikir og íshokkí Sport Fleiri fréttir Tók við verðlaunum merktur Aroni sem var veikur heima Aron og Bjarki ungverskir meistarar á kostnað Janusar Aron og Bjarki báðir út úr hóp í úrslitaleiknum Íslendingaliðið kláraði sitt en Füchse Berlin er samt meistari í fyrsta sinn Orri og félagar bikarmeistarar Arnór Atla valinn þjálfari ársins Strákarnir hans Arnórs fara í oddaleik um bronsið KA ræður manninn sem gerði KA/Þór að Íslandsmeisturum Silfrið niðurstaðan fyrir Hannes og strákana hans Óðinn með næstflottasta markið í Evrópudeildinni Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Sjá meira
Ólafur Stefánsson stýrði Valsmönnum til sigurs á útivelli í fyrsta sinn á tímabilinu. Valur hafði betur gegn botnliði HK í Digranesinu en Kópavogsliðið er enn að bíða eftir fyrsta sigrinum á tímabilinu. HK-ingar börðust af krafti í kvöld og var staðan að loknum fyrri hálfleik jöfn, 13-13. Meiri agi og betra skipulag var á leik Valsmanna í síðari hálfleik og það gerði gæfumuninn. Valur er enn í sjötta sæti deildarinnar eftir sigurinn í kvöld en nú með sex stig. Það munar þó aðeins tveimur stigum á Val og toppliðum Hauka og ÍR eftir leiki kvöldsins. HK-ingar eru sem fyrr í neðsta sæti með eitt stig. Það var allt annar og betri bragur á liði HK í kvöld en verið hefur í síðustu leikjum. Baráttan var til fyrirmyndar en á henni náðu HK-ingar að halda sér inn í leiknum fram á lokamínútur leiksins. HK var oftar með frumkvæðið í fyrri hálfleik og nýtti sér þá ringulreið sem var í liði Vals, sérstaklega á upphafsmínútum leiksins. Miklu munaði um framlag Jóhanns Reynis Gunnlaugssonar sem tók sig til og skoraði fimm mörk í röð fyrir HK á sex mínútna kafla. Jóhann Reynir átti eftir að skora alls tíu mörk í leiknum en þessi öfluga skytta, sem kom frá Víkingi í sumar, var óhræddur við að láta vaða í leiknum í kvöld. Valsmenn bættu sinn leik verulega í síðari hálfleik og um tíma leit út fyrir að lærisveinar Ólafs Stefánssonar ætluðu að stinga af. Hlynur hrökk í gang í markinu með betri varnarleik og þá komu hraðaupphlaupsmörkin. En sem fyrr gáfust heimamenn ekki upp og voru vel inni í leiknum þar til að um fimm mínútur voru eftir. Hópur HK er heldur þunnskipaður og þreyttir leikmenn HK gerðu ítrekað mistök sem Valsmenn voru duglegir að refsa fyrir. Geir Guðmundsson fékk frítt skotleyfi á lokakafla leiksins og var öflugur. Hann endaði sem markahæsti leikmaður Valsmanna sem nýttu breiddina sína ágætlega í kvöld. Guðmundur Hólmar var einnig öflugur sem og Vignir á línunni.Ólafur: Náðum að halda haus Ólafur Stefánsson, þjálfari Vals, fagnaði stigunum tveimur sem Valur fékk í kvöld en sagði margt hægt að bæta í frammistöðunni. Hans menn náðu sér illa á strik í fyrri hálfleik og Ólafur brást við því í hálfleik. „Ég vildi í raun breyta öllu fyrir seinni hálfleikinn. HK er með gott lið og hættulegir heim að sækja, sérstaklega á þessum tímapunkti. Þeir eru undir pressu,“ sagði Ólafur eftir leikinn. „Við vorum bara ekki nógu vel einbeittir í fyrri hálfleik. Seinni hálfleikur var heldur ekki sannfærandi og við misstum til að mynda niður þriggja marka forystu.“ „En ég er ánægður með að við náðum að halda haus. Við þurftum að breyta ansi mörgu - meira en ég hefði viljað. Við prófuðum meira að segja 6-0 vörnina. Hún var ekki að rúlla enda höfum við ekki verið að æfa hana að neinu ráði.“ Ólafur segir að 5+1 vörnin hafi gefið bestu raunina. „Við erum að reyna að finna okkar útgáfu af henni - þróa hana og spila hana betur. Við eigum enn nokkuð langt í land en það var margt fínt í kvöld.“ „Við tókum örlítið skref fram á við í kvöld - hænufet. Það er betra en skref aftur á bak. Þetta voru mikilvægir punktar og nú höfum við tvær vikur til að vinna í okkar málum í næði áður en við mætum ÍBV.“ Ólafur er duglegur að nota breiddina í Valsliðinu en án þess þó að taka leikmenn sem standa sig vel út af án sýnilegrar ástæðu. „Þessi hugmynd um að láta menn spila korter og korter sama hvað gerist í leiknum var í raun ekki sniðug í raun á skjön við allt það sem ég stend fyrir.“ „Þetta var hugmynd sem gekk vel hjá mér í fjögur ár en var ekki að rúlla vel fyrir okkur. Maður verður að vera tilbúinn til þess að breyta til,“ bætti hann við.Jóhann Reynir: Framfaraskref hjá okkur „Það var barátta í þessu hjá okkur - meiri en í síðustu leikjum. Þetta var framfaraskref þrátt fyrir tapið,“ sagði Jóhann Reynir Gunnlaugsson eftir sigur Vals á HK í kvöld. Jóhann Reynir skoraði tíu mörk í leiknum og fór á löngum köflum fyrir sóknarleik HK-inga í leiknum. „Ég er bjartsýnn á framhaldið ef við miðum við þennan leik. Menn ætla að gefa sig alla í þetta og nú er það bara næsti leikur.“ „Það var jákvætt að við fengum ekki jöfn mörg mörk á okkur úr hraðaupphlaupum eins og í síðustu leikjum. Þau komu nokkur í restina hjá Val en þá voru menn orðnir þreyttir.“ „En aðalmálið var baráttan og hún var góð í kvöld.“Samúel Ívar: Spiluðum með hjartanu „Ég er sáttur við heilmikið sem mínir menn gerðu í kvöld. Ég hef verið að kalla eftir því að menn spili með hjartanu og þó svo að við séum með ungt lið eru ákveðnir leikmenn sem þurfa að draga vagninn meira en aðrir,“ sagði Samúel Ívar Árnason, þjálfari HK. „Það tekur kannski smá tíma að venjast því að leita oftar á sömu mennina en heilt yfir fannst mér leikmenn svara kallinu nokkuð vel.“ „Við ræddum það í vikunni hvernig við viljum kynna okkur út á við og hvernig það er talað um okkur sem handboltalið. Við höfum sett okkur ákveðin mottó og mér fannst við standa ágætlega undir merkjum í dag.“ Hann segir að þrátt fyrir að Valur hafi unnið fimm marka sigur hafi ekki verið fimm marka munur á frammistöðu liðanna í kvöld. „Við vorum í góðum séns þar til á lokamínútunum. Varnarleikurinn hjá okkur var góður þrátt fyrir að einstaklingsmistökin koma inn á milli en það er oft einkenni ungra liða.“ „Heilt yfir var þetta fyrsta flokks barátta hjá mínum mönnum og ég get ekki sett neitt út á frammistöðuna ef þetta er viljinn sem menn sýna bæði í æfingum og leikjum.“
Olís-deild karla Mest lesið „Ég er aldrei sáttur“ Fótbolti Gerðu Bellingham að stórstjörnu og kaupa nú bróður hans Sport Sviptur fyrirliðabandinu og mun aldrei spila fyrir þjálfara Póllands Fótbolti Fóru yfir endurkomu Söndru: „Þetta er bara besti bitinn“ Fótbolti Shai setti stigamet þegar OKC jafnaði úrslitaeinvígið Körfubolti „Ég myndi spila fótbrotinn fyrir landsliðið“ Fótbolti Sautján ára Íslendingur vann brons í fullorðinsflokki Sport Greindi sjálfur frá því að hann hafi verið rekinn Fótbolti Sunneva lagði upp fyrir framan metfjölda áhorfenda Fótbolti Dagskráin í dag: Landsleikir og íshokkí Sport Fleiri fréttir Tók við verðlaunum merktur Aroni sem var veikur heima Aron og Bjarki ungverskir meistarar á kostnað Janusar Aron og Bjarki báðir út úr hóp í úrslitaleiknum Íslendingaliðið kláraði sitt en Füchse Berlin er samt meistari í fyrsta sinn Orri og félagar bikarmeistarar Arnór Atla valinn þjálfari ársins Strákarnir hans Arnórs fara í oddaleik um bronsið KA ræður manninn sem gerði KA/Þór að Íslandsmeisturum Silfrið niðurstaðan fyrir Hannes og strákana hans Óðinn með næstflottasta markið í Evrópudeildinni Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Sjá meira