Í dag undirrituðu Situs ehf. og Auro Investment ehf. kaupsamning um hótellóð við hlið tónlistarhússins Hörpu. Í tilkynningu segir að Auro Investment ehf. sé í eigu verkfræðistofunnar Mannvit, Auro Investment Partners LLC og arkitektastofunnar Tark, sem buðu sameignilega í hótellóðina.
Samningurinn sé háður fyrirvörum m.a. um áreiðanleikakönnun og fjármögnun sem uppfylla þurfi fyrir 30. september n.k. Útboðið var framkvæmt af Ríkiskaupum og voru tilboð opnuð hinn 18. júlí 2011.
Eins og áður hafi komið fram í fjölmiðlum hafi hæstu bjóðendur verið tveir og buðu þeir rúma 1,8 milljarða í hótellóðina. Gengið var til samninga við Auro Investment ehf. í apríl s.l. eftir að samningar við World Leisure Investment fóru út um þúfur.
Gengu frá samningi um hótellóð við Hörpu
