Innkalla 517 Nissan Qashqai

Neytendastofu hefur borist tilkynning frá BL ehf. um innköllun á 564 Nissan bifreiðum.

„Um er að ræða 517 Nissan Qashqai framleidda á árunum 2006 til 2012 og 47 Nissan X-Trail. framleidda á árunum 2006 til 2011,“ segir á vef Neytendastofu.

„Ástæða innköllunarinnar er sú að við lélegt ástand vega getur reim fyrir CVT-skiptingu snuðað með þeim afleiðingum að það getur orðið vart við titring og eða gripmissi í drifhjólum.“

Akstur í þessu ástandi getur svo kallað upp bilanaljós. „Viðkomandi bifreiðareigendur munu fá sent bréf vegna þessarar innköllunar,“ segir Neytendastofa.

Tilkynning á vef Neytendastofu.