Sjáðu Carly Rose taka Little Talks

Söngkonan unga Carly Rose Sonenclar er best þekkt fyrir að hafa lent í öðru sæti í annarri seríu raunveruleikaþáttanna The X Factor í Bandaríkjunum nú í desember. Hún vakti mikla athygli í þáttunum þar sem hún þótti sérstaklega góð miðað við aldur, en stúlkan verður 14 ára í apríl. Hún gerði sér lítið fyrir á X Factor-sviðinu og fetaði þar í fótspor listamanna á borð við Ettu James, Celine Dion, Adele, Mariah Carey, John Lennon og Leonard Cohen. Íslenska hljómsveitin Of Monsters and Men er einnig á þessum flotta lista því söngkonan setti myndband af sér og bróður sínum, Russell, að flytja lag þeirra Little Talks inn á Youtube í haust. Systkinin tileinkuðu flutninginn vinkonu sinni, Katie, sem glímir við sjúkdóminn EOS en hægt er að sjá hann hér fyrir ofan.