Robin Thicke: Þetta var allt Miley

Tónlistarmaðurinn Robin Thicke gefur lítið fyrir MTV Video Music Awards framkomu sína og Miley Cyrus. Þetta kemur fram í sjónvarpsviðtali sem Thicke veitti Opruh Winfrey.

„Þetta var allt hún. Fólk spyr mig: „af hverju tverkaði þú ekki?“ Og ég útskýri fyrir þeim að ég sé sá sem er tverkaður,“ sagði söngvarinn og vísar þar til danssporanna sem Cyrus tók, en þau kallast „twerking“ á enskri tungu.

Thicke kom fram ásamt Cyrus á verðlaunahátíðinni og varð atriðið helsta umtalsefni fólks í margar vikur á eftir.