Lea Michele semur lag um Cory Monteith

Lea Michele, best þekkt úr sjónvarpsþáttunum Glee, hyggst gefa út sóló-plötu. Á plötunni verður að finna lag sem hún samdi um Cory Monteith, kærasta sinn, en hann lést úr of stórum skammti eiturlyfja á hótelherbergi í Kanada fyrr á árinu.

Lagið heitir You're Mine. 

Lagið átti upprunalega ekki að fara á plötuna, en Michele var hrædd um að hún myndi sjá eftir því síðar ef hún hefði það ekki á plötunni, samkvæmt slúðurmiðlum vestanhafs.

Michele hefur áður sungið til heiðurs látins kærasta síns, en það var í Glee-þætti tileinkuðum karakter Cory Monteith, sem hét Finn Hudson, í þáttunum sívinsælu.

Í þættinum söng Michele lag Bobs Dylan, Make You Feel My Love - myndband af laginu í flutningi Michele má sjá neðar í fréttinni.

Dagsetning á útgáfu plötu Leu Michele hefur ekki enn verið tilkynnt.