Snúa aftur með stæl Freyr Bjarnason skrifar 14. mars 2013 06:00 Hljómsveitin Suede er skipuð þeim Brett Anderson, Neil Codling, Simon Gilbert, Richard Oakes og Mat Osman. nordicphotos/getty Enska hljómsveitin Suede sendir frá sér Bloodsports á mánudaginn. Þetta er fyrsta plata sveitarinnar með nýju efni í ellefu ár og bíða aðdáendur hennar spenntir eftir útkomunni. Alls eru 24 ár liðin síðan Suede var stofnuð eftir að söngvarinn Brett Anderson, þáverandi kærastan hans Justine Frischmann, og Mat Osman auglýstu eftir gítarleikara í blaðinu NME. Bernard Butler fékk starfið og í framhaldinu nefndi Frischmann hljómsveitina Suede. Tveimur árum síðar var hún rekin úr bandinu eftir að hún hafði hætt með Anderson og byrjað með Damon Albarn í Blur. Suede hefur verið nefnd sem sú hljómsveit sem kom Britpop-bylgjunni af stað og hefur fyrir vikið verið talin ein áhrifamesta enska rokksveit tíunda áratugarins. Fyrsta plata hennar, Suede, kom út árið 1993. Hún fór beint á topp breska vinsældalistans og hafði fyrsta plata hljómsveitar ekki selst jafnhratt í tæpan áratug. Velgengnin hélt áfram því platan hlaut einnig hin virtu Mercury-verðlaun, enda voru þar flott lög á borð við Animal Nitrate og So Young. Næsta plata Suede, Dog Man Star, kom út ári síðar og fékk fínar viðtökur. Hún er af mörgum talin meistarastykki sveitarinnar en brotthvarf gítarleikarans Bernards Butler, rétt áður en platan kom út, skyggði á verkið. Nýr gítarleikari, Richard Oakes, tók við af Butler og árið 1996 kom út Coming Up, sem varð til þess að vinsældir Suede jukust gífurlega víða um heim. Fimm lög komust í efsta sæti breska smáskífulistans og platan varð sú söluhæsta í sögu hljómsveitarinnar. Sveitin gaf út tvær hljóðversplötur til viðbótar, Head Music og A New Morning, og olli sú síðarnefnda miklum vonbrigðum. Ári síðar, 2003, var Suede öll. Í framhaldinu stofnuðu Anderson og Butler hina skammlífu The Tears en núna, ellefu árum eftir A New Morning, er Suede mætt aftur og virðist endurnærð eftir þetta langa frí. Upptökustjóri Bloodsports var Ed Buller, sá hinn sami og stýrði upptökum á fyrstu þremur plötum Suede og er greinilegt að Anderson og félagar voru að sækjast eftir gamla, góða hljóminum. Breskir fjölmiðlar eru yfir sig hrifnir af plötunni. Tímaritin Mojo og Q gefa henni fjórar stjörnur af fimm mögulegum. Í dómi Q segir að Suede takist að vera nútímaleg á sama tíma og hún haldi í fortíðina. Uncut gefur henni 7 af 10 og Clash 8 af 10, þar sem gagnrýnandinn segir plötuna ljósritun á upphaflegu Britpop-stefnunni. Svo fær hún fullt hús, eða fimm stjörnur, hjá The Daily Telegraph. Tónlist Mest lesið „Einhvern tímann verðurðu að leyfa barninu þínu að flytja að heiman“ Lífið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Taka fyrir sambönd flugfreyja og flugmanna út frá sögum úr bransanum Lífið Jón Ólafs og Hildur Vala keyptu í Vesturbænum Lífið Leggst undir hnífinn vegna brjóstakrabbameins og frestar túrnum Lífið Svona heppnaðist hárígræðslan hjá Baldri og Einari Lífið Opna Preppbarinn í Keflavík og bjóða 50% afslátt Lífið samstarf Býr beint fyrir neðan barnsmóður sína Lífið Trúlofuð en ekki búin að flytja inn saman Lífið Fleiri fréttir Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Lög Sálarinnar verða að kvikmynd Enginn fær að skipta sér af tónlist Laufeyjar Tilkynnti tólftu plötuna í hlaðvarpi kærastans „Öll dýrin í skóginum voru vinir“ Úr kjallaranum hjá mömmu yfir á stóra sviðið „Óljósir, fallegir og stundum óþægilegir hlutir“ Opnar sig um stormasamt hjónaband á nýju plötunni Borgin býður í tívolíveislu Dylan leggur blátt símabann á tónleikagesti „Gerum allt fyrir konurnar í okkar lífi“ Quarashi á Lopapeysunni: „Við erum synir Akraness“ „Svo leiðinlegt að pæla hvað öðru fólki finnst“ Forsala á Kaleo seldist upp á innan við mínútu Sjá meira
Enska hljómsveitin Suede sendir frá sér Bloodsports á mánudaginn. Þetta er fyrsta plata sveitarinnar með nýju efni í ellefu ár og bíða aðdáendur hennar spenntir eftir útkomunni. Alls eru 24 ár liðin síðan Suede var stofnuð eftir að söngvarinn Brett Anderson, þáverandi kærastan hans Justine Frischmann, og Mat Osman auglýstu eftir gítarleikara í blaðinu NME. Bernard Butler fékk starfið og í framhaldinu nefndi Frischmann hljómsveitina Suede. Tveimur árum síðar var hún rekin úr bandinu eftir að hún hafði hætt með Anderson og byrjað með Damon Albarn í Blur. Suede hefur verið nefnd sem sú hljómsveit sem kom Britpop-bylgjunni af stað og hefur fyrir vikið verið talin ein áhrifamesta enska rokksveit tíunda áratugarins. Fyrsta plata hennar, Suede, kom út árið 1993. Hún fór beint á topp breska vinsældalistans og hafði fyrsta plata hljómsveitar ekki selst jafnhratt í tæpan áratug. Velgengnin hélt áfram því platan hlaut einnig hin virtu Mercury-verðlaun, enda voru þar flott lög á borð við Animal Nitrate og So Young. Næsta plata Suede, Dog Man Star, kom út ári síðar og fékk fínar viðtökur. Hún er af mörgum talin meistarastykki sveitarinnar en brotthvarf gítarleikarans Bernards Butler, rétt áður en platan kom út, skyggði á verkið. Nýr gítarleikari, Richard Oakes, tók við af Butler og árið 1996 kom út Coming Up, sem varð til þess að vinsældir Suede jukust gífurlega víða um heim. Fimm lög komust í efsta sæti breska smáskífulistans og platan varð sú söluhæsta í sögu hljómsveitarinnar. Sveitin gaf út tvær hljóðversplötur til viðbótar, Head Music og A New Morning, og olli sú síðarnefnda miklum vonbrigðum. Ári síðar, 2003, var Suede öll. Í framhaldinu stofnuðu Anderson og Butler hina skammlífu The Tears en núna, ellefu árum eftir A New Morning, er Suede mætt aftur og virðist endurnærð eftir þetta langa frí. Upptökustjóri Bloodsports var Ed Buller, sá hinn sami og stýrði upptökum á fyrstu þremur plötum Suede og er greinilegt að Anderson og félagar voru að sækjast eftir gamla, góða hljóminum. Breskir fjölmiðlar eru yfir sig hrifnir af plötunni. Tímaritin Mojo og Q gefa henni fjórar stjörnur af fimm mögulegum. Í dómi Q segir að Suede takist að vera nútímaleg á sama tíma og hún haldi í fortíðina. Uncut gefur henni 7 af 10 og Clash 8 af 10, þar sem gagnrýnandinn segir plötuna ljósritun á upphaflegu Britpop-stefnunni. Svo fær hún fullt hús, eða fimm stjörnur, hjá The Daily Telegraph.
Tónlist Mest lesið „Einhvern tímann verðurðu að leyfa barninu þínu að flytja að heiman“ Lífið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Taka fyrir sambönd flugfreyja og flugmanna út frá sögum úr bransanum Lífið Jón Ólafs og Hildur Vala keyptu í Vesturbænum Lífið Leggst undir hnífinn vegna brjóstakrabbameins og frestar túrnum Lífið Svona heppnaðist hárígræðslan hjá Baldri og Einari Lífið Opna Preppbarinn í Keflavík og bjóða 50% afslátt Lífið samstarf Býr beint fyrir neðan barnsmóður sína Lífið Trúlofuð en ekki búin að flytja inn saman Lífið Fleiri fréttir Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“ Lög Sálarinnar verða að kvikmynd Enginn fær að skipta sér af tónlist Laufeyjar Tilkynnti tólftu plötuna í hlaðvarpi kærastans „Öll dýrin í skóginum voru vinir“ Úr kjallaranum hjá mömmu yfir á stóra sviðið „Óljósir, fallegir og stundum óþægilegir hlutir“ Opnar sig um stormasamt hjónaband á nýju plötunni Borgin býður í tívolíveislu Dylan leggur blátt símabann á tónleikagesti „Gerum allt fyrir konurnar í okkar lífi“ Quarashi á Lopapeysunni: „Við erum synir Akraness“ „Svo leiðinlegt að pæla hvað öðru fólki finnst“ Forsala á Kaleo seldist upp á innan við mínútu Sjá meira
Laufey syngur á íslensku á nýrri plötu: „Hver annar af kynslóð Laufeyjar er að gera tónlist eins og þessa?“