Eva Mendes skoðaði Þjóðleikhúsið

Bandaríska leikkonan Eva Mendes bankaði óvænt upp á hjá starfsmönnum Þjóðleikhússins á fimmtudag.

Samkvæmt heimildum Fréttablaðsins hafði leikkonan heillast svo af útliti hússins að hún mátti til með að skoða það að innan. Leikkonunni varð að ósk sinni og eftir að hafa fengið leiðsögn um leikhúsið þakkaði hún fyrir sig og sagði þetta hafa verið hápunkt heimsóknar sinnar til Íslands, en hún hefur dvalið hér á landi undanfarnar vikur ásamt kærasta sínum, leikaranum Ryan Goslin. Fyrsta kvikmynd Gosling sem leikstjóra er klippt af Valdísi Óskarsdóttir, klippara.