Blaðamenn hleruðu talhólf prinsanna

Talhólf prinsanna Harry og Vilhjálms voru hleruð af blaðamönnum News of the World, þetta kom fram í réttarhöldum vegna hlerana blaðsins í dag.

Svo virðist sem blaðamenn blaðsins hafi hlustað, og tekið upp, mörg skilaboð í talhólfi prinsanna og kærustum þeirra. Þetta er í fyrsta skiptið sem upptökur úr talhólfum þeirra er spiluð fyrir dómara.

Í einum þeirra segir Vilhjálmur kærustu sinni, sem í dag er eiginkona hans, Katrínu Middleton frá því að hann hafi næstum því orðið fyrir skoti á æfingasvæði breska hersins í Sandhurst.  Þá voru einnig skilaboð spiluð þar sem Vilhjálmur býður Katrínu að koma með sér á veiðar.

Fyrrum ritstjórar News of the Worlds, Rebekah Brooks og Andy Coulson, eru ákærð, ásamt fimm öðrum, fyrir að hafa hlerað talhólf einstaklinga í Bretlandi til þess að komast á snoðir um fréttaefni. 



Frétt BBC.