Fréttaþulurinn Elizabeth Vargas hjá ABC News í meðferð

Fréttaþulur hjá ABC News í Bandaríkjunum, Elizabeth Vargas, er farin í meðferð við áfengisfíkn.

Hún vonar að með því að viðurkenna fíkn sína gefi það öðrum hugrekkið sem þarf til að leita sér hjálpar.

„Eins og svo margir er ég að glíma við fíkn,“ sagði Vargas í yfirlýsingu hjá CNN í gær.

„Ég fann að ég varð sífellt háðari áfengi. Ég hef nú leitað mér hjálpar og er full þakklætis í garð fjölskyldunnar, vina og vinnufélaga, sem hafa öll sýnt gríðarlegan stuðning,“ sagði Vargas jafnframt.

Vargas er þekkt andlit í sjónvarpi vestanhafs.

Hún vildi ekki greina nánar frá því hvar eða hvenær hún hefði sótt sér hjálp.