Erlent

Suður Súdan á barmi borgarastyrjaldar

Barack Obama, forseti Bandaríkjanna, segir að Suður - Súdan rambi nú á barmi borgarastríðs. Átök sem hófust á milli stríðandi fylkinga innan hersins í höfuðborginni Juba í byrjun vikunnar hafa nú breiðst út um landið.

Bandaríkjamenn hafa ákveðið að senda fjörutíu og fimm manna hersveit til þess að verja sendiráð landsins í höfuðborginni. Í gær féllu þrír indverskir friðargæsluliðar þegar ráðist var á bækistöð Sameinuðu þjóðanna í landinu og alls er talið að um fimmhundruð hafi fallið í átökum í landinu síðustu daga.




Fleiri fréttir

Sjá meira


×