Innlent

Mótmæli við innanríkisráðuneytið vegna hælisleitenda

Fanney Birna Jónsdóttir skrifar
Mótmæli fóru fram fyrir utan innanríkisráðuneytið nú í hádeginu vegna brottvísunar hælisleitanda frá Íslandi.

Fréttablaðið fjallar ítarlega um málið í dag en um 20 manns mættu til mótmælanna undir yfirskriftinni Mótmæli gegn sundrun fjóttafjölskyldu frá Nígeríu.

Á Facebook-síðu mótmælanna segir að hópurinn vilji krefast mannréttinda fyrir flóttamenn. Því er mótmælt að dómstólar hafi ekki fengið tækifæri til að kveða upp dóm í málinu en örlög hælisleitendanna séu í höndum innanríkisráðherra.

Evelyn Glory Joseph, ætluð barnsmóðir hælisleitandans, sem einnig er hælisleitandi, ber við að hún sé mansalsfórnarlamb og gefa rannsóknargögn til kynna að hún sé beitt þrýstingi um að segja manninn vera föðurinn. Þetta kemur fram í rökstuðningi innanríkisráðuneytisins um synjun á endurupptöku á úrskurðinum um að senda manninn úr landi.

Evelyn var viðstödd mótmælin en fyrir utan ráðuneytið var einnig staddur lögmaður Tony Omos, ætlaðs barnsföðurs hennar.

Evelyn Glory Joseph mætti til að mótmæla ákvörðun innanríkisráðuneytisins.Mynd/Kristján Hjálmarsson
Hópurinn krefst mannréttinda fyrir flóttamenn.Mynd/Kristján Hjálmarsson



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.