Porsche selur og selur

Það eiga ekki allir bílaframleiðendur bágt þessa dagana og helst eru það þeir þýsku sem enga ástæðu hafa yfir að kvarta yfir sölunni. Einn þeirra er Porsche sem seldi 18% fleiri bíla á fyrri helmingi ársins samanborið við síðasta ár, eða 81.500 bíla.

Meira að segja í Evrópu hefur sala Porsche bíla aukist, eða um 2,1%. Vöxturinn er hressilega mikið meiri á mörgum öðrum mörkuðum og er aukningin mest í Bandaríkjunum, 29,5%. Í Asíu, Afríku og í Miðausturlöndum er vöxturinn 25,2% og ef Kína er tekið sér er hann 20,0%. Salan í heimalandinu Þýskalandi var góð og jókst um 19,5% og er það til vitnis um góðan efnahag þar, þó það megi ekki segja um restina af álfunni.

Af bílgerðum Porsche selst langmest af Cayenne jeppanum, eða 42,354 bílar og er það því meira en helmingur allrar sölu Porsche bíla á árinu. Porsche 911 bíllinn seldist í 15.834 eintökum og Boxter/Cayman 12.886, en þar var aukningin mest milli ára, sem er næstum þreföldun í sölu. Panamera fólksbíllinn með fjóru hurðirnar seldist í 10.491 eintökum, en þar má búast við mikilli aukningu í sölu á seinni helmingi ársins, með tilkomu nýrrar Plug-In-Hybrid gerðar hans í enda þessa mánaðar. Mjög stórar pantanir hafa þegar borist í þann bíl.