Citroën Nemo - skrifstofa á hjólum

Nýr meðlimur í sendibílaflórunni er nú í boði hjá Brimborg, Citroën Nemo, nettur bíll en stór að innan og með talsvert mikið flutningsrými. Í hann má lesta allt að 660 kílóum og slær þar við mörgum stærri sendibílnum.

Hann er með rennihurðir á báðum hliðum og að auki afturhurð sem opnast í 180 gráður og því góður til lestunar. Hleðslurými hans er 1,52 metrar og leggja má farþegasætið niður og þá lengist það í 2,49 metra. Hann rúmar því auðveldlega eina Europallettu.

Allt er fyrir ökumann hans gert, fjöldi geymsluhólfa er í honum og þegar farþegasætið er lagt niður breytist það í vinnuborð, einskonar skrifstofu fyrir ökumann. Verðið á bílnum er gott, eða 2.390.000 krónur eða 1.904.382 kr. án virðisaukaskatts.