Hertar reglur bílainnflytjenda

Finnur Thorlacius skrifar 24. apríl 2013 13:15

Leggja þarf fram aukin gögn ef bílar koma ekki frá Evrópu

Þurfa að leggja fram aukin gögn til að fá ökutæki skráð hér á landi.

Fyrirhugaðar eru breytingar á reglugerð um gerð og búnað ökutækja sem í stuttu máli hefur í för með sér að innflytjendur ökutækja sem koma ekki frá Evrópu þurfa í framhaldi af gildistöku reglugerðarinnar 1. maí að leggja fram aukin gögn til að fá ökutækið skráð hér á landi. Á vef innanríkisráðuneytisins er fyrrgreind breyting á reglugerðinni til umsagnar.

Breytingin felur í sér innleiðingu á tilskipun 2007/46/EB en markmið þeirrar tilskipunar Evrópusambandsins er að tryggja að ný ökutæki, íhlutir og aðskildar tæknieiningar sem sett eru á markað fyrir ökutæki uppfylli kröfur um öryggi og umhverfisvernd.

Breytingarnar hafa í för með sér að innflytjendur ökutækja utan Evrópu þurfa að framvísa gögnum sem hingað til hefur ekki þurft við skráningu hjá Umferðarstofu. Þau gögn verða að koma frá framleiðanda ökutækisins eða frá viðurkenndri tækniþjónustu og í þeim þurfa eftirfarandi 15 atriði og upplýsingar að koma fram: