Framhaldsmyndin staðfest

Eftir margra ára vangaveltur hefur Disney-Pixar tilkynnt að framhaldsmynd Finding Nemo, Finding Dory, verði gefin út árið 2015.

Í myndinni verður hinn kærulausi fiskur Dory í aðalhlutverki. Leikkonan Ellen DeGeneres ljáði fisknum rödd sína í fyrri myndinni og verður á sínum stað í framhaldsmyndinni.

„Ég er búin að lesa handritið og það er frábært, bæði fyndið og fallegt. Það hefur allt sem hægt er að biðja um," segir Ellen.

Reiknað er með því að myndin verði frumsýnd þann 25. nóvember árið 2015, daginn áður en Bandaríkjamenn halda uppá Þakkagjörðarhátíðina.

Finding Nemo skilaði 922 milljónum dala, á annan hundrað milljarða króna, í miðasölu um heim allan árið 2003.

Nánar hér.