Gangnam Style-goðið semur nýjan dans

Suður-kóreski rapparinn Psy kynnir nýtt lag, Gentleman, innan tíðar en Psy er þekktastur fyrir YouTube-megasmellinn Gangnam Style.

Gangnam Style-dansinn hefur tröllriðið heiminum og Psy hefur gefið það upp að dans muni einnig fylgja Gentleman.

Lagið verður gefið út þann 12. apríl en Psy mun flytja það í fyrsta sinn opinberlega daginn eftir á tónleikum í Suður-Kóreu.

"Ég get ekkert sagt um dansinn en allir Kóreubúar kunna hann. Aðrir heimsbúar hafa ekki séð hann," segir Psy og heldur heimsbyggðinni á tánum.

Dragðu Tarotspil dagsins hér.