Davíð laus úr fangelsi

Davíð Örn Bjarnason, sem hefur verið í fangelsi í Tyrklandi síðan um helgina, er laus úr fangelsi. Þetta staðfestir utanríkisráðuneytið í samtali við Vísi. Hann verður í farbanni til 25 apríl og verður því áfram í Tyrklandi um sinn.

Tuttugu sentímetra marmarasteinn fannst í farangri Davíðs á flugvellinum í Antalya á föstudag þegar hann var á leið úr landi. Steininn hafði hann keypt á markaði en Davíð var handtekinn þegar í stað, grunaður um að ætla að smygla dýrgrip úr landinu. Slíkt er litið mjög alvarlegum augum í Tyrklandi og við því getur legið margra ára fangelsisvist.