Tiger Woods byrjar vel á mótinu í Flórída

Tiger Woods er í forystuhópnum eftir fyrsta dag á Cadillac Championship mótinu í Doral í Flórída í Bandaríkjunum en mótið er hluti af Heimsbikarmótunum.

Woods spilaði fyrstu 18 holurnar á sex undir pari eins og Svíinn Freddie Jacobson, Spánverjinn Sergio Garcia, Norður-Írinn Graeme McDowell og Bandaríkjamaðurinn Bubba Watson.

Þrír efstu menn á heimslistanum léku saman á fyrsta hring en það gekk eins vel hjá þeim Rory McIlroy og Luke Donald.

Rory McIlroy spilaði á 73 holum eða einu höggi yfir pari en Donald var á tveimur undir pari. McIlroy fékk sex skolla en náði einum erni og að fá fugla á tveimur holum í röð.

Tiger Woods náði aftur á móti níu fuglum á hringnum.

Staða efstu manna eftir fyrsta hring:

1. Tiger Woods 66 (-6)

1. Freddie Jacobson 66 (-6)

1. Sergio Garcia 66 (-6)

1. Graeme McDowell 66 (-6)

1. Bubba Watson 66 (-6)

6. Hunter Mahan 67 (-5)

6. Peter Hanson 67 (-5)

6. Phil Mickelson 67 (-5)

6. Steve Stricker 67 (-5)

10. Keegan Bradley 68 (-4)

10. Ian Poulter 68 (-4)

10. Bo Van Pelt 68 (-4)

10. Dustin Johnson 68 (-4)

10. Charles Howell III 68 (-4)

10. Justin Rose 68 (-4)