Umfjöllun og viðtöl: Fram - Afturelding 31-12 Benedikt Grétarsson skrifar 21. febrúar 2013 14:25 Mynd/Daníel Framarar niðurlægðu Mosfellinga er þeir komu í heimsókn í Safamýrina í kvöld. Ótrúlegir yfirburðir hjá Frömurum sem unnu stórsigur. Það var ljóst frá fyrstu mínútu í leiknum hvort liðið var sterkara á svellinu. Framarar spiluðu frábæran varnarleik og Magnús Gunnar Erlendsson átti enn einn stórleikinn í markinu. Fram skoraði fyrstu fjögur mörk leiksins og Mosfellingar komust ekki á blað fyrr en eftir 11 mínútna leik þegar Þrándur Gíslason skoraði af línunni. Áfram héldu Safamýrapiltar að þjarma að gestunum og þegar 19 mínútur voru liðnar af leiknum voru Framarar með virkilega sterka stöðu, 8-2. Þá skoraði Afturelding tvö mörk í röð og héldu örfáir áhorfendur leiksins að nú væri að lifna yfir liðinu. Því fór fjarri, Framarar hertu skrúfuna enn frekar og gjörsamlega slátruðu ráðþrota Mosfellingum. Vörnin var áfram firnasterk og Magnús át upp alla bolta sem fóru í gegnum hana. Óreyndir leikmenn gestanna hentu boltanum í hendur þrautreyndra leikmanna Fram, sem þökkuðu fyrir sig með hraðupphlaupum. Fram skoraði síðustu 5 mörk hálfleiksins og hélt til leikhlés með níu marka forystu, 13-4. Allt útlit var fyrir að síðari hálfleikur yrði formsatriði og ekki laust við að vonleysi svifi yfir herbúðum gestanna. Þeir voru einfaldlega hörmulegir en það verður ekki tekið af Frömurum að þeir spiluðu fyrri hálfleik eins og englar. Síðari hálfleikur var algjör einstefna og Framarar bættu hægt og bítandi við forskotið. Leikmenn Aftureldingar gáfust upp og hengdu haus, enda var staðan vægast sagt skelfileg. Það var alveg sama hver kom inn á völlinn fyrir Fram, allir skiluðu sínu og keyrðu miskunarlaust yfir Mosfellinga. Fram vann leikinn að lokum með 19 mörkum og er það stærsti sigur sem sést hefur í N1-deild karla í vetur. Heimamenn spiluðu frábærlega í vörn og sókn og ekki var veikan hlekk að finna neins staðar. Gamla klisjan um vörn og markvörslu var nýtt til hins ítrasta en varnarleikur Fram í þessum leik var með því besta sem sést hefur í langan tíma í Safamýri. Sóknin var einbeitt allan tímann og heimenn fá virkilega verðskuldað hrós fyrir nálgun sína á verkefnið. Afturelding sá aldrei til sólar og verða að gleyma þessum leik sem fyrst. Það var helst jákvætt að ungir leikmenn á borð við Birki Benediktsson fengu tækifæri og það á eftir að nýtast liðinu á lokasprettinum.Einar Jónsson: Ég fer að hringja í landsliðsþjálfarann Einar Jónsson, þjálfari Fram, var yfirvegaður að leik loknum „Við spiluðum frábærlega en það má ekki gleyma því að Afturelding er með vængbrotið lið um þessar mundir. Ég er fyrst og fremst ánægður með karakterinn sem við sýnum hér í kvöld. Við spilum vel í 60 mínútur og vorum meðvitaðir að við mættum ekkert slaka á gegn þessu baráttuglaða liði Aftureldingar.“ Einar átti von á erfiðari leik „Ég verð að viðurkenna að ég átti vona á þeim erfiðari og með meira sjálfstraust eftir sigur í síðasta leik en ég er á því að þetta hafi verið stór sigur fyrir okkur og þá er ég ekki bara að vísa til lokastöðunnar í leiknum.“ Stemmingin er mikil í herbúðum Fram „Það er mikil stemming í liðinu og mórallinn er frábær. Við lentum í smá meiðslaveseni í vetur en það gaf öðrum leikmönnum tækifæri að spila. Það kemur til með að hjálpa okkur og hefur aukið breiddina í hópnum til muna, sem er auðvitað frábært fyrir okkur.“ Magnús Gunnar Erlendsson átti enn einn stórleikinn í markinu „Maggi er búinn að spila frábærlega undanfarið, eins og allir okkar markmenn. Vörnin hjálpar til en það verður að hrósa markmönnunum þegar þeir eiga það skilið. Ég fer að pressa á Aron (landsliðsþjálfara) að taka hann í landsliðið,“ sagði Einar léttur í lokin.Reynir Þór Reynisson: Arfaslakt frá fyrstu mínútu Reynir Reynisson, þjálfari Aftureldingar, var að vonum rislítill eftir leikinn „Þetta var skelfilegt hjá okkur og við misstum móðinn mjög snemma. Menn gáfust upp og baráttan sem hefur oft einkennt okkar leik var ekki til staðar. Þá vorum við í bölvuðum vandræðum með að finna eitthvert jafnvægi á milli varnar og sóknarleiks.“ Reynir gat ekki séð marga jákvæða punkta úr leiknum „Það er helst að við gátum gefið ungum leikmönnum mínútur og þeir öðlast þá einhverja reynslu sem nýtist síðar. Birkir (Benediktsson) fékk að spila mikið en þetta var mjög dapurt í kvöld.“Ægir Hrafn: Hittum á alvöru leik Varnartröllið, Ægir Hrafn Jónsson, átti frábæran leik í vörninni. „Þar kom að því að við hittum á svona alvöru leik. Við vissum að þeir voru vængbrotnir og keyrðum virkilega vel allan tímann.“ Ægir Hrafn var liðtækur í körfubolta áður en hann valdi handboltann „Ég sé ekkert eftir því maður, ég er a.m.k. að verja fleiri skot í vörninni í handboltanum,“ sagði Ægir að lokum brosandi. Olís-deild karla Mest lesið „Ég er glaður að Eiður Smári sé ekki hérna“ Fótbolti Fjórtán ára með yfirburðaforskot eftir fyrstu fjögur stigamótin Sport „Ég er aldrei sáttur“ Fótbolti Sviptur fyrirliðabandinu og mun aldrei spila fyrir þjálfara Póllands Fótbolti Karlmaður lést eftir fall á úrslitaleik Þjóðadeildarinnar Fótbolti Sautján ára Íslendingur vann brons í fullorðinsflokki Sport „Ég myndi spila fótbrotinn fyrir landsliðið“ Fótbolti Fóru yfir endurkomu Söndru: „Þetta er bara besti bitinn“ Fótbolti Thomas Frank að taka við Tottenham Enski boltinn Gerðu Bellingham að stórstjörnu og kaupa nú bróður hans Sport Fleiri fréttir Tók við verðlaunum merktur Aroni sem var veikur heima Aron og Bjarki ungverskir meistarar á kostnað Janusar Aron og Bjarki báðir út úr hóp í úrslitaleiknum Íslendingaliðið kláraði sitt en Füchse Berlin er samt meistari í fyrsta sinn Orri og félagar bikarmeistarar Arnór Atla valinn þjálfari ársins Strákarnir hans Arnórs fara í oddaleik um bronsið KA ræður manninn sem gerði KA/Þór að Íslandsmeisturum Silfrið niðurstaðan fyrir Hannes og strákana hans Óðinn með næstflottasta markið í Evrópudeildinni Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Sjá meira
Framarar niðurlægðu Mosfellinga er þeir komu í heimsókn í Safamýrina í kvöld. Ótrúlegir yfirburðir hjá Frömurum sem unnu stórsigur. Það var ljóst frá fyrstu mínútu í leiknum hvort liðið var sterkara á svellinu. Framarar spiluðu frábæran varnarleik og Magnús Gunnar Erlendsson átti enn einn stórleikinn í markinu. Fram skoraði fyrstu fjögur mörk leiksins og Mosfellingar komust ekki á blað fyrr en eftir 11 mínútna leik þegar Þrándur Gíslason skoraði af línunni. Áfram héldu Safamýrapiltar að þjarma að gestunum og þegar 19 mínútur voru liðnar af leiknum voru Framarar með virkilega sterka stöðu, 8-2. Þá skoraði Afturelding tvö mörk í röð og héldu örfáir áhorfendur leiksins að nú væri að lifna yfir liðinu. Því fór fjarri, Framarar hertu skrúfuna enn frekar og gjörsamlega slátruðu ráðþrota Mosfellingum. Vörnin var áfram firnasterk og Magnús át upp alla bolta sem fóru í gegnum hana. Óreyndir leikmenn gestanna hentu boltanum í hendur þrautreyndra leikmanna Fram, sem þökkuðu fyrir sig með hraðupphlaupum. Fram skoraði síðustu 5 mörk hálfleiksins og hélt til leikhlés með níu marka forystu, 13-4. Allt útlit var fyrir að síðari hálfleikur yrði formsatriði og ekki laust við að vonleysi svifi yfir herbúðum gestanna. Þeir voru einfaldlega hörmulegir en það verður ekki tekið af Frömurum að þeir spiluðu fyrri hálfleik eins og englar. Síðari hálfleikur var algjör einstefna og Framarar bættu hægt og bítandi við forskotið. Leikmenn Aftureldingar gáfust upp og hengdu haus, enda var staðan vægast sagt skelfileg. Það var alveg sama hver kom inn á völlinn fyrir Fram, allir skiluðu sínu og keyrðu miskunarlaust yfir Mosfellinga. Fram vann leikinn að lokum með 19 mörkum og er það stærsti sigur sem sést hefur í N1-deild karla í vetur. Heimamenn spiluðu frábærlega í vörn og sókn og ekki var veikan hlekk að finna neins staðar. Gamla klisjan um vörn og markvörslu var nýtt til hins ítrasta en varnarleikur Fram í þessum leik var með því besta sem sést hefur í langan tíma í Safamýri. Sóknin var einbeitt allan tímann og heimenn fá virkilega verðskuldað hrós fyrir nálgun sína á verkefnið. Afturelding sá aldrei til sólar og verða að gleyma þessum leik sem fyrst. Það var helst jákvætt að ungir leikmenn á borð við Birki Benediktsson fengu tækifæri og það á eftir að nýtast liðinu á lokasprettinum.Einar Jónsson: Ég fer að hringja í landsliðsþjálfarann Einar Jónsson, þjálfari Fram, var yfirvegaður að leik loknum „Við spiluðum frábærlega en það má ekki gleyma því að Afturelding er með vængbrotið lið um þessar mundir. Ég er fyrst og fremst ánægður með karakterinn sem við sýnum hér í kvöld. Við spilum vel í 60 mínútur og vorum meðvitaðir að við mættum ekkert slaka á gegn þessu baráttuglaða liði Aftureldingar.“ Einar átti von á erfiðari leik „Ég verð að viðurkenna að ég átti vona á þeim erfiðari og með meira sjálfstraust eftir sigur í síðasta leik en ég er á því að þetta hafi verið stór sigur fyrir okkur og þá er ég ekki bara að vísa til lokastöðunnar í leiknum.“ Stemmingin er mikil í herbúðum Fram „Það er mikil stemming í liðinu og mórallinn er frábær. Við lentum í smá meiðslaveseni í vetur en það gaf öðrum leikmönnum tækifæri að spila. Það kemur til með að hjálpa okkur og hefur aukið breiddina í hópnum til muna, sem er auðvitað frábært fyrir okkur.“ Magnús Gunnar Erlendsson átti enn einn stórleikinn í markinu „Maggi er búinn að spila frábærlega undanfarið, eins og allir okkar markmenn. Vörnin hjálpar til en það verður að hrósa markmönnunum þegar þeir eiga það skilið. Ég fer að pressa á Aron (landsliðsþjálfara) að taka hann í landsliðið,“ sagði Einar léttur í lokin.Reynir Þór Reynisson: Arfaslakt frá fyrstu mínútu Reynir Reynisson, þjálfari Aftureldingar, var að vonum rislítill eftir leikinn „Þetta var skelfilegt hjá okkur og við misstum móðinn mjög snemma. Menn gáfust upp og baráttan sem hefur oft einkennt okkar leik var ekki til staðar. Þá vorum við í bölvuðum vandræðum með að finna eitthvert jafnvægi á milli varnar og sóknarleiks.“ Reynir gat ekki séð marga jákvæða punkta úr leiknum „Það er helst að við gátum gefið ungum leikmönnum mínútur og þeir öðlast þá einhverja reynslu sem nýtist síðar. Birkir (Benediktsson) fékk að spila mikið en þetta var mjög dapurt í kvöld.“Ægir Hrafn: Hittum á alvöru leik Varnartröllið, Ægir Hrafn Jónsson, átti frábæran leik í vörninni. „Þar kom að því að við hittum á svona alvöru leik. Við vissum að þeir voru vængbrotnir og keyrðum virkilega vel allan tímann.“ Ægir Hrafn var liðtækur í körfubolta áður en hann valdi handboltann „Ég sé ekkert eftir því maður, ég er a.m.k. að verja fleiri skot í vörninni í handboltanum,“ sagði Ægir að lokum brosandi.
Olís-deild karla Mest lesið „Ég er glaður að Eiður Smári sé ekki hérna“ Fótbolti Fjórtán ára með yfirburðaforskot eftir fyrstu fjögur stigamótin Sport „Ég er aldrei sáttur“ Fótbolti Sviptur fyrirliðabandinu og mun aldrei spila fyrir þjálfara Póllands Fótbolti Karlmaður lést eftir fall á úrslitaleik Þjóðadeildarinnar Fótbolti Sautján ára Íslendingur vann brons í fullorðinsflokki Sport „Ég myndi spila fótbrotinn fyrir landsliðið“ Fótbolti Fóru yfir endurkomu Söndru: „Þetta er bara besti bitinn“ Fótbolti Thomas Frank að taka við Tottenham Enski boltinn Gerðu Bellingham að stórstjörnu og kaupa nú bróður hans Sport Fleiri fréttir Tók við verðlaunum merktur Aroni sem var veikur heima Aron og Bjarki ungverskir meistarar á kostnað Janusar Aron og Bjarki báðir út úr hóp í úrslitaleiknum Íslendingaliðið kláraði sitt en Füchse Berlin er samt meistari í fyrsta sinn Orri og félagar bikarmeistarar Arnór Atla valinn þjálfari ársins Strákarnir hans Arnórs fara í oddaleik um bronsið KA ræður manninn sem gerði KA/Þór að Íslandsmeisturum Silfrið niðurstaðan fyrir Hannes og strákana hans Óðinn með næstflottasta markið í Evrópudeildinni Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Sjá meira