Sannleikurinn: Íslenska landsliðið bauð kókaín fyrir vændi

Heimir Hallgrímsson og Lars Lagerbäck segja frétt fréttastofu frá því fyrr í dag um að íslenska landsliðið hefði farið með vændiskonur upp á hótelherbergi eftir leikinn á Íslandi vera ranga.

Landsliðsþjálfari Íslands var allt annað en sáttur við spurningu blaðamanns á fundi með blaðamönnum í Zagreb í dag. Var hann spurður hvort refsa ætti íslensku leikmönnunum sem fóru með fjölda nektardansmeyja upp á hótelherbergi til sín og buðu þeim kókaín í skiptum fyrir vændi eftir markalausa jafnteflið á föstudagskvöldið.

„Ég spyr til baka: trúir þú þessu?“ svaraði Lars sem var frekar pirraður þegar hann ræddi við fjölmiðlamenn rétt áðan. „Þessir menn geta ekki komið bolta í eitt helvítis mark, þeir eru ekki nógu góðir til að skora hjá vændiskonum,“ sagði hann.

Samkvæmt áreiðanlegum heimildum fréttastofu fóru átta leikmenn íslenska liðsins með rúmlega 70 vændiskonur upp á herbergi til sín fljótlega eftir viðureignina við Króata. Það eru hátt í tíu konur á mann. Konurnar voru nektardansmeyjar á staðnum VIP Club á Austurstræti.

Samkvæmt sömu heimildum yfirgáfu flestar vændiskonurnar hótelið klukkan fjögur um nóttina en læti voru enn í herberginu til fimm. Daginn eftir fundust leyfar eftir kókaínneyslu í herberginu.

Fréttastofa stendur að sjálfsögðu fyllilega við frétt sína frá því fyrr í dag.





Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur 70 Facebook-síður