Sannleikurinn: "Ef hún hefði flúið með þrjá danska ketti til Íslands þá væri búið að finna þá“

Mikill munur er á því hvernig Íslendingar bregðast við ef danskur köttur er týndur eða dönsk börn. Það segir Daninn Kim Gram Laursen en barnsmóðir hans, Hjördís Svan Aðalheiðardóttir, flúði með börn þeirra til Íslands í sumar í stað þess að skila þeim til hans eins og dómstólar höfðu kveðið á um. Dómstóll í Danmörku hefur dæmt föðurnum fullt forræði en móðirin er með umgengisrétt. Hjördís fer nú huldu höfði hér á landi með dætur sínar og hefur gert um skeið en hún segir föðurinn ofbeldismann. 

Kim hafði þetta að segja þegar fréttastofa ræddi við hann: „Ef konan hefði brottnumið 3 danska ketti og þeir væru nú týndir í Reykjavík þá mynduð þið ekki sofa fyrr en þeir væru fundnir! En þetta eru börn og þá er Íslendingum skítsama.“

Hann er ósáttur við að Flugbjörgunarsveit Reykjavíkur, ásamt fleiri tugum Íslendinga hefði verið á fullu að leita að danska kettinum sem týndist í vikunni en þegar hann biður um að börnin sín séu fundin þá gerir enginn neitt. Danski faðirinn segir það furðulegt að Íslendingar sýni týndum köttum meiri áhuga en týndum börnum en hefur heitið eitt hundrað þúsund krónum í fundarlaun, í von um að það veki áhuga Íslendinga. 





Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum. Fréttastofa Sannleikans hefur Facebook-síðu  en hún er aðeins fyrir áhugafólk um kattahald í flugvélum.