Jóhannes Jónsson látinn

Jóhannes Jónsson, kaupmaður og stofnandi Bónuss er látinn. Hann lést á Landspítalanum í morgun, eftir stutta sjúkrahúsvist. Hann var fæddur 31. ágúst árið 1940.

Jóhannes byrjaði ungur að vinna hjá föður sínum í matardeild Sláturfélags Suðurlands og tók síðar við sem verslunarstjóri þar og sinnti því starfi í á annan áratug. Jóhannes lærði prentiðn, en kaupmennska var hans ævistarf.

Árið 1989 stofnaði Jóhannes verslanir Bónus ásamt fjölskyldu sinni.

Jóhannes lætur eftir sig eiginkonu, tvö börn, tvö stjúpbörn og fimm barnabörn.