Aron: Ekki bara líkur Kevin Bacon því ég kann líka að dansa

Aron Jóhannsson hefur verið afar áberandi í dönskum fjölmiðlum eftir að hann skoraði fernu fyrir AGF í dönsku úrvalsdeildinni í gær en íslenski framherjinn setti met með því að skora þrjú markanna á aðeins þremur mínútum og fimmtíu sekúndum í fyrri hálfleiknum.

Danska vefsíðan Kanalsport er með viðtal við Aron þar sem hann er meðal annars spurður út í það að þykja vera líkur bandaríska leikaranum Kevin Bacon.

„Ég hef heyrt þetta nokkrum sinnum en þetta snýst ekki bara um útliðið heldur einnig um danssporin. Á Íslandi var ég leikarastjarna og ég var líka mjög góður dansari þegar ég var ungur. Kannski finnst strákunum í liðinu ég danska eins vel og Kevin Bacon í Footloose," sagði Aron í viðtalinu við Kanalsport en undir því hljómaði smellurinn Footloose.

„Ég fékk nokkur tilboð um að leika í Hollywood-myndum þegar ég var ungur en ég verð bara að sjá til þegar fótboltaferlinum lýkur hvort að ég fá slík tilboð aftur," sagði Aron.

Það er hægt að sjá umfjöllun Kanalsport með því að smella hér.