Þrjú útköll vegna rjúpnaskyttna um helgina

Björgunarsveitir voru þrívegis kallað út um helgina, eftir að farið var að óttast um rjúpnaskyttur, en nýliðin helgi var sú fyrsta af fjórum, sem veiðar eru heimilaðar í haust.

Fyrst var óttast um skyttu í Teigsfjöllum í grennd við Bröttubrekku, síðan í Selárdal á Vestfjörðum og loks á Dómadalsleið.

Allar beiðnirnar voru afturkallaðar þar sem skytturnar skiluðu sér sjálfar til byggða skömmu eftir að óskað var eftir aðstoð.

Talið er að um það bil þrjú þrú þúsund skyttur hafi gengið til rjúpna um helgina. Veiði var misjöfn, eftir því sem fréttastofan kemst næst, en dæmi voru um góða veiði á nokkrum svæðum.