Launamunur kynjanna meiri hjá hinu opinbera

Óútskýrður kynbundinn launamunur er meiri hjá hinu opinbera en í einkageiranum. Þetta kemur fram í svörum BSRB við spurningum almennings á upplýsingasíðunni spyr.is.

Þar kemur einnig fram að konur finna fyrir meira álagi í störfum sínum í dag en fyrir 12 mánuðum síðan miðað við karla, þ.e. að álag í starfi hefur aukist á þær þrátt fyrir að þær séu á lægri launum en karlmenn.

Eftir fréttaumfjöllun um launamun kynjanna sem fram kom í könnun BSRB vöknuðu ýsmar spurningar hjá almenningi. BSRB birti svör við einhverjum þeirra á síðunni spyr.is.

Fram kemur í svörunum að samkvæmt könnunum er launamunur kynjanna rúmlega 13% á landsvísu hjá hinu opinbera meðan hann er til að mynda aðeins tæp 10% hjá Verslunarmannafélagi Reykjavíkur (VR) samkvæmt könnun sem þar var gerð.

Einnig kemur fram að ríkisstjórnin kynnti nýverið átak sem á að draga úr kynbundnum launamun. Fyrst verður ráðist í aðgerðir í ráðuneytunum en svo verður spjótunum beint að stofnunum og fyrirtækjum hins opinbera. Upplýsingar um átakið má nálgast hér.