Falsaði "forte“ við parkódínið

Lögregla var kvödd til þegar viðskiptavinur apóteks á Suðurnesjum reyndi nýverið að framvísa fölsuðum lyfseðli.

Starfsmanni apóteksins þótti seðillinn grunsamlegur og hafði samband við lækninn sem gaf hann út. Sá sagðist hafa skrifað upp á verkjalyfið parkódín, en á seðlinum var búið að bæta orðinu „forte" aftan við. Slíkt lyf er mun sterkara. Viðkomandi harðneitaði að hafa breytt seðlinum, að því er segir í tilkynningu frá lögreglu, en viðurkenndi að hafa lagt hann frá sér og líklega hefði þá einhver skrifað á hann.