Síldveiðar hafnar í Breiðafirði

Þrjú stór fjölveiðiskip eru nú komin inn á Breiðafjörð til veiða á íslensku sumargotssíldinni, sem hefur haft þar vetursetu undanfarin ár.

Jóna Eðvalds frá Hornafirði fékk þar afla fyrir helgi Ásgrímur Halldórsson frá sömu útgerð fékk þar þúsund tonn í einu kasti um helgina, sem nú er verið að vinna úr á Höfn.

Annars segja sjómenn að síldin sé ekki almennilega gengin inn á fjörðinn og ekki sé kominn kraftur í veiðarnar. Þeir hafa þó ekki áhyggjur af því, enda hófust veiðarnar í fyrra ekki í alvöru fyrr en undir mánaðamótin.